अनेकांना वाटतं की आपत्कालीन परिस्थितीत फक्त मेडे कॉलच दिला जातो, याचा अर्थ असा की काहीच हातात नाही, कोणतीही दुर्घटना होऊ शकते. तर पॅन पॅन पॅन ही एक वेगळी आणि कमी तीव्रतेचा इमरजन्सी कॉल आहे. याचा अर्थ असा की परिस्थिती बिकट आहे आम्हाला मदत करा मात्र कोणतीही जीवितहानी होण्याचा धोका कमी असतो. उदा. इंजिनमध्ये तांत्रिक बिघाड, वैद्यकीय अडचण किंवा इतर अशा गोष्टींसाठी पॅन कॉल दिला जातो. दुसरीकडे, मेडे ही कॉल अत्यंत गंभीर आणि जीवघेण्या परिस्थितीत दिली जाते. जसे दोन्ही इंजिन फेल होणे, विमानाला आग लागणे किंवा तात्काळ लँडिंगची गरज भासणे. ‘मेडे’ ही कॉल सर्वोच्च पातळीची इमरजन्सी असते.

इंडिगो एअरलाईन्सने म्हटलं आहे की तांत्रिक बिघाडामुळे विमान डायव्हर्ट करण्यात आलं आणि सर्व सुरक्षा प्रक्रियेचं पालन करत ते मुंबईत उतरवण्यात आलं. पुढील उड्डाणापूर्वी या विमानाची तपासणी आणि देखभाल केली जाईल. पायलटच्या सतर्कतेमुळे प्रवाशांचा जीव वाचला आहे. तर इंडिगोकडून विमानाची पुन्हा तपासणी केली जाणार आहे. सर्व प्रवाशी सुखरुप असल्याची माहिती मिळाली आहे.