India Pakistan: जगाचं लक्ष इराण युद्धाकडे, अन् पाकिस्तानचा सीमेवर डाव! पुंछमध्ये भारताने पाकड्यांचे ड्रोन पिटाळले

श्रीनगर:  जगाचे लक्ष अमेरिका-इस्राएल आणि इराण युद्धाकडे लागले असताना दुसरीकडे पाकिस्तानची सीमाभागात आगळीक सुरू आहे. भारतीय जवानांनी प्रत्यक्ष नित्रंयण रेषेवर पाकिस्तानचे नापाक इरादे हाणून पाडले. जम्मू-काश्मीरमधील नियंत्रण रेषेवर (LoC) पाकिस्तानच्या नापाक कुरापती पुन्हा एकदा समोर आल्या आहेत. रविवारी पहाटे पुंछ जिल्ह्यात एका पाकिस्तानी ड्रोनने भारतीय हद्दीत घुसखोरी करण्याचा प्रयत्न केला. मात्र, सतर्क भारतीय जवानांनी तत्परतेने गोळीबार केल्यामुळे या ड्रोनला माघार घ्यावी लागली. गेल्या तीन दिवसांतील घुसखोरीचा हा दुसरा प्रयत्न असल्याने सीमाभागात तणाव वाढला आहे.