US Attack Iran: अमेरिकाचा इराणच्या अणु केंद्रांवर हल्ला, PM मोदींचा तेहरानला कॉल; केली सर्वात मोठी मागणी

अमेरिकेचे अध्यक्ष डोनाल्ड ट्रम्प यांनी या हल्ल्यांची माहिती देताना सांगितले की, इराणची अणुउर्जा केंद्रे पूर्णपणे नष्ट करण्यात आली आहेत. यासोबतच ट्रम्प यांनी इराणला इशारा दिला की- जर त्यांनी प्रतिउत्तर दिले, तर आणखी प्रचंड हल्ले करण्यात येतील.

ट्रम्प यांनी स्पष्टपणे सांगितले की, अमेरिका अचूकता, वेग आणि कौशल्य यांद्वारे अशा आणखी केंद्रांवर निशाणा साधू शकतो. व्हाइट हाऊस मधून राष्ट्राला उद्देशून भाषण करताना त्यांनी म्हटलं, इराणमध्ये शांतता प्रस्थापित होईल किंवा मागील आठवड्याभरात जे घडले त्यापेक्षा कितीतरी पटींनी भयंकर त्रासदी पाहायला मिळेल.

दरम्यान, इराणच्या अणुऊर्जा संस्थेने फोर्डो, इस्फहान आणि नतांज येथील अणु केंद्रांवर झालेल्या हल्ल्यांची पुष्टी केली. तसेच त्यांनी स्पष्ट केलं की, शत्रूंच्या कटकारस्थानांनंतरही इराण पुन्हा उभं राहील – कारण आमच्याकडे हजारो क्रांतिकारी आणि समर्पित वैज्ञानिक व तज्ज्ञ आहेत. एका अमेरिकी अधिकाऱ्याने सांगितले की, अमेरिकन लष्कराने पर्वतरांगांमध्ये वसलेल्या फोर्डो अणुऊर्जा संवर्धन केंद्रावर ‘बंकर-बस्टर’ बॉम्ब टाकून निशाणा साधला.