कचरा नव्हे, सोनं! माशांच्या खवल्यांचा 'हा' व्यवसाय करून मच्छिमार होताहेत लखपती; थेट परदेशातून येते मागणी

मुख्यतः माशांच्या खवल्यांचा वापर फूड सप्लिमेंट्सपासून नेल पेंटपर्यंत आणि विविध प्रकारच्या चमकी (Chumki) बनवण्यासाठी कच्चा माल म्हणून होतो. बाळूरघाटमधील आत्रेई नदीतून माशांची खवले विकून मच्छिमार पैसे कमावण्याचा मार्ग शोधत आहेत. ते मुख्यतः रोहू आणि कटला माशांची खवले सुकवताना दिसतात. दिवसभर ती सुकवून दुपारपर्यंत एका ठिकाणी जमा करतात. त्यानंतर, सुमारे 10 क्विंटल सुकी खवले जमा झाल्यावर कोलकाताचे उद्योजक ती गोळा करण्यासाठी येतात. ट्रकने ही माशांची खवले कोलकात्याला नेली जातात. तिथे या खवल्यांवर प्रक्रिया करून त्यांची पावडर बनवली जाते. त्यानंतर, विविध पावडर लावून त्यांना पॉलिश केले जाते किंवा प्रक्रिया केली जाते. शेवटी, ती परदेशात पाठवली जातात. तिथून मग फूड सप्लिमेंट्स, नेल पेंट, चमकी आणि इतर अनेक गोष्टी हळूहळू तयार होतात!