Success Story : 'या' पठ्ठ्याने शेतीत आजमवलं नशीब, आता वर्षाला कमवतोय 25 लाख, तरुणांसाठी बनला आदर्श!

विपिन सांगतो की, त्याला अभ्यासात कधीच रस नव्हता. त्याला नेहमी वाटायचं की, आपण स्वतःचं काहीतरी करावं. जेव्हा त्याला नोकरी मिळाली नाही, तेव्हा त्याने आपलं लक्ष शेतीवर केंद्रित केलं. दोन वर्षांपूर्वी त्याने आपलं शिक्षण सोडून पूर्णपणे शेतीकडे वळला. आज विपिन शेती करतोय. यामध्ये तो हिरवी मिरची, टोमॅटो, कोथिंबीर आणि पुदिना यांची लागवड करतो. विशेष म्हणजे या सर्व पिकांना बाजारात चांगला भाव मिळतो. विपिन म्हणतो की, योग्य पद्धतीने, कष्ट आणि नियोजनाने शेती केली, तर लाखोंची कमाई करता येते.