Mumbai Metro : मुंबईकरांसाठी खुशखबर! मेट्रो स्थानकांवर Free WiFi सुविधा सुरू; सोप्या स्टेप्स फॉलो करा अन् कनेक्ट व्हा!
Last Updated:
Mumbai Metro 3 free Wi-Fi छ मुंबई मेट्रो प्रवाशांसाठी आनंदाची बातमी आहे. एमएमआरसीने कुलाबा-वांद्रे-सीप्झ मार्गावरील सर्व स्थानकांवर मोफत वाय-फाय सुविधा सुरू केली आहे. MetroConnect3 अ‍ॅपद्वारे प्रवाशी काही सोप्या स्टेप्स फॉलो करून सहज कनेक्ट होऊ शकतात.
मुंबई : मुंबई मेट्रो 3 मार्गावरील प्रवाशांसाठी आता एक खास आणि उपयुक्त सुविधा सुरू करण्यात आली आहे. आता मेट्रोच्या सर्व स्टेशनवर मोफत वाय-फाय उपलब्ध आहे. मुंबई मेट्रो रेल कॉर्पोरेशनने कुलाबा-वांद्रे-सीप्झ मेट्रो-3 मार्गावर ही सुविधा सुरू केली आहे. हा मार्ग अ‍ॅक्वा लाईन म्हणून ओळखला जातो म्हणजेच प्रवासी डिजिटल इंटरनेटचा अनुभव घेऊ शकतात. अगदी जमिनीतल्या भागातही इंटरनेट मिळेल.
ही सुविधा सुरू करण्यामागे एमएमआरसीचे दोन मुख्य उद्दिष्टे आहेत. पहिले म्हणजे प्रवाशांना सोयीस्कर प्रवास आणि दुसरे म्हणजे ‘MetroConnect3 या नवीन अ‍ॅपद्वारे डिजिटल तिकीट खरेदीला प्रोत्साहन देणे. म्हणजे आता तुम्ही तिकीट खिडकीच्या रांगेत उभ राहण्याऐवजी मोबाईल वरूनच तिकीट बुक करू शकता. वेळ वाचेल आणि तुमची एनर्जी टिकून राहील.
MetroConnect3 अ‍ॅप वापरून Wi-Fi कनेक्ट करण्याचे तीन सोपे पर्याय
1)पहिली स्टेप – ‘MetroConnect3’ अ‍ॅप डाउनलोड करायचं आणि लॉगिन करायचं.
advertisement
2) दुसरी स्टेप – मोबाईलच्या वाय-फाय सेटिंगमध्ये जाऊन MetroConnect3 नेटवर्क निवडायचं.
3)शेवटची स्टेप – अ‍ॅप उघडून Profile मध्ये जाऊन Connect to Wi-Fi वर टॅप करायचं आणि होय मग तुम्ही नेटवर व्हिडिओ स्ट्रीमिंग, मेम्स शेअरिंग अन् तुमच बरंच काम करू शकता अगदी मेट्रोच्या गाडीमध्ये बसून.
ही सुविधा कन्कोर्स लेवलवर उपलब्ध आहे, म्हणजे तिकीट खिडकीजवळ, जिथे तुम्ही प्रवासाच्या तयारीत असाल, तिथून लगेच कनेक्ट होऊ शकता. एमएमआरसीने प्रवाशांना आवाहन केले आहे की या मोफत वाय-फायचा जास्तीत जास्त वापर करा.
view commentsLocation :
Mumbai,Maharashtra
First Published :
October 15, 2025 8:53 AM IST
मराठी बातम्या/ बातम्या/बातम्या/
Mumbai Metro : मुंबईकरांसाठी खुशखबर! मेट्रो स्थानकांवर Free WiFi सुविधा सुरू; सोप्या स्टेप्स फॉलो करा अन् कनेक्ट व्हा!
