या मुस्लीम देशात आहे लक्ष्मीचा वास, इथे भारतीयांना मिळतो पैसाच पैसा, जाणून घ्या सविस्तर

दोन्ही देशांच्या नेत्यांच्या एकमेकांच्या भेटी मर्यादित असल्या तरी दोघांमध्ये मजबूत व्यावसायिक आणि सांस्कृतिक संबंध आहेत. कुवेतमध्ये तेल सापडण्यापूर्वीही भारत आणि कुवेत यांच्यात सागरी मार्गाने व्यापार होत होता. 1961 पर्यंत कुवेतमध्ये भारतीय रुपयाचा वापर केला जात होता. भारताचे परराष्ट्र मंत्री एस जयशंकर यांनी ऑगस्ट 2024 मध्ये कुवेतला भेट दिली होती, तर कुवेतचे परराष्ट्र मंत्री अब्दुल्ला अली अल याह्या 3-4 डिसेंबर रोजी भारतात आले होते.

कुवेत भारतापासून 3300 किलोमीटर अंतरावर आहे. कुवेतची अर्थव्यवस्था मोठ्या प्रमाणावर परदेशी कामगारांवर अवलंबून आहे. येथे राहणारे बहुतांश भारतीय मजूर म्हणून काम करतात. या श्रमातून त्यांना चांगले उत्पन्न मिळते. कुवेतमधील भारतीय दूतावासानुसार, येथे सुमारे 10 लाख भारतीय राहतात, जे कुवेतच्या एकूण लोकसंख्येच्या 21 टक्के आहे. एवढेच नाही तर कुवेतच्या एकूण कर्मचाऱ्यांपैकी 30 टक्के भारतीय आहेत.

कुवेतमध्ये भारतीयांची लोकसंख्याही 10 लाखांच्या पुढे गेली आहे. 10 लाख भारतीयांपैकी 8.85 लाखांहून अधिक भारतीय तेथे मजूर म्हणून काम करतात. हे लक्षात घेण्यासारखे आहे की कुवेतमधील भारतीय केवळ मजूर म्हणून काम करत नाहीत. कुवेतमध्ये एक हजाराहून अधिक भारतीय डॉक्टर आहेत. 500 दाताचे डाॅक्टर भारतीय आहेत आणि 24 हजारांहून अधिक वर्स भारतीय आहेत. येथे काम करणाऱ्या भारतीयांना 300 ते 1050 डॉलर पगार मिळतो. रिसर्च फर्म वर्कयार्डच्या अहवालानुसार, कुवेत हे जगातील सर्वात स्वस्त ठिकाणांपैकी एक आहे.

कुवैती दिनारचे मूल्य भारतीय रुपयांमध्ये 275 रुपये आहे, याचा अर्थ जर तुम्ही दर महिन्याला 100 कुवैती दिनार कमावले तर ही रक्कम रुपये 27500 इतकी येते. कुवेतमधील कुशल कारागिराचा सरासरी पगार दरमहा सुमारे 1,260 कुवैती दिनार (सुमारे 3,47,588.32 रुपये) आहे. कुवेतमधील भारतीयाचा किमान पगार सुमारे 320 कुवैती दिनार (सुमारे 88,276.40 रुपये) प्रति महिना आहे.