७/१२, ८ अ फक्त १५ रुपयांत मिळणार, शेतकऱ्यांनो आता तलाठ्याच्या सही शिक्क्याची गरजच नाही! शासनाचा मोठा निर्णय

डिजिटल ७/१२, ८-अ आणि फेरफार उतारे कायदेशीरदृष्ट्या वैध ठरवण्याचा ऐतिहासिक निर्णय महसूलमंत्री चंद्रशेखर बावनकुळे यांनी घेतला आहे.

या निर्णयामुळे डिजिटल ७/१२ ला अधिकृत मान्यता मिळाली आहे. फक्त १५ रुपयांमध्ये अधिकृत उतारा उपलब्ध होणार आहे.

तसेच आता यापुढे तलाठ्याच्या सही आणि शिक्क्याची गरज संपली असून डिजिटल स्वाक्षरी, QR कोड, आणि 16 अंकी पडताळणी क्रमांक असलेले ७/१२, ८-अ व फेरफार उतारे किंवा अन्य कोणत्याही हस्ताक्षरांची गरज नसताना अधिकृत आणि वैध ठरणार आहे.

या डिजिटल उताऱ्यांचे स्वरूप अधिक सुरक्षित आणि विश्वसनीय करण्यासाठी त्यामध्ये डिजिटल स्वाक्षरी, क्यूआर कोड आणि 16 अंकी पडताळणी क्रमांक समाविष्ट आहे. त्यामुळे कोणताही नागरिक ऑनलाइन मिळवलेल्या 7/12 किंवा 8-अ उताऱ्याची पडताळणी त्वरित करू शकतो.

हे सर्व डिजिटल उतारे सर्व सरकारी, निमसरकारी, बँकिंग आणि न्यायालयीन कामांसाठी पूर्णपणे वैध ठरणार आहे.

महाभूमी पोर्टलद्वारे उपलब्ध उतारे नागरिक https://bhulekh.mahabhumi.gov.in/ वर मुफ्त 7/12 पाहू शकतात. https://digitalsatbara.mahabhumi.gov.in/ वर डिजिटल पेमेंटद्वारे डिजिटल स्वाक्षरीत 7/12, 8-अ आणि फेरफार डाउनलोड करता येईल. डिजिटल उताऱ्यावर तलाठा किंवा कोणत्याही अधिकाऱ्याची अतिरिक्त स्वाक्षरी आवश्यक नाही. हे उतारे सर्व शासकीय कामात वैध आहेत.

दोन्ही प्रकारच्या 7/12 किंवा 8-अ उताऱ्यांसाठी फक्त 15 रुपये शुल्क आकारले जाईल. हे शुल्क शासन निर्णयानुसार अधिकृतपणे निश्चित करण्यात आले आहे.