आजची तारीख ठरणार लकी! सूर्यग्रहणाचा 'या' 4 मूलांकांच्या लोकांना होणार तगडा फायदा, मिळणार गूड न्यूज

आजचा दिवस काही विशिष्ट मूलांकांच्या व्यक्तींसाठी 'टर्निंग पॉईंट' ठरू शकतो. अंकशास्त्रानुसार, आजच्या तारखेचा मूलांक 8 येतो, जो शनीचा अंक आहे. मात्र, वर्षाचा आणि महिन्याचा एकत्रित प्रभाव पाहता, आज काही मूलांकांच्या आयुष्यात प्रमोशन आणि आनंदाच्या बातम्यांची लाट येणार आहे. त्यातच आज सूर्यग्रहण आहे याचा फायदा देखील या मूलांकांना होणार आहे.

आज 17 तारीख असून, 17 हा अंक शनीचा असला तरी तो 'संघर्षातून यश' देणारा आहे. या दिवशी चंद्र आणि सूर्याची स्थिती कुंभ राशीत असल्याने, जे लोक शिस्तप्रिय आणि कष्टाळू आहेत, त्यांच्यावर नशिबाची विशेष मेहेरबानी होणार आहे.

विशेषतः सरकारी क्षेत्रातील किंवा मोठ्या कॉर्पोरेट कंपन्यांमध्ये काम करणाऱ्या 4 विशिष्ट मूलांकांच्या व्यक्तींना वरिष्ठांकडून मोठी शाबासकी किंवा बढतीचे संकेत मिळण्याची शक्यता आहे.

मूलांक 1 (जन्म तारीख: 1, 10, 19, 28): मूलांक 1 चा स्वामी 'सूर्य' आहे. आज तुम्हाला कामाच्या ठिकाणी नेतृत्वाची मोठी संधी मिळेल. बऱ्याच काळापासून प्रलंबित असलेली तुमची पदोन्नती आज निश्चित होऊ शकते. तुमच्या निर्णयांचे वरिष्ठांकडून कौतुक होईल आणि नवीन जबाबदारी तुमच्याकडे सोपवली जाईल.

मूलांक 3 (जन्म तारीख: 3, 12, 21, 30): तुमचा स्वामी 'गुरु' आहे. गुरु हा ज्ञानाचा आणि विस्ताराचा कारक आहे. शैक्षणिक क्षेत्र किंवा बँकिंग क्षेत्रातील लोकांसाठी आजचा दिवस सुवर्णसंधी घेऊन येईल. उत्पन्नात वाढ होण्याचे संकेत असून घरामध्ये एखाद्या मंगल कार्याची वार्ता कानावर पडेल.

मूलांक 8 (जन्म तारीख: 8, 17, 26): आज तुमचीच तारीख असल्याने तुमचे नशीब प्रबळ आहे. शनीच्या कृपेने तुमच्या कष्टाचे फळ मिळण्याची वेळ आली आहे. जर तुम्ही नोकरी बदलण्याचा विचार करत असाल, तर आज तुम्हाला मोठ्या पगाराची ऑफर मिळू शकते. अचानक धनलाभ आणि करिअरमध्ये मोठी झेप घेण्याचे योग आहेत.

मूलांक 9 (जन्म तारीख: 9, 18, 27): तुमचा स्वामी 'मंगळ' आहे. आज तुमच्या ऊर्जेचा स्तर अत्यंत उच्च असेल. प्रशासकीय आणि पोलीस दलात काम करणाऱ्या व्यक्तींना सन्मान मिळेल. जुने वाद मिटतील आणि पदोन्नतीसह तुमच्या आवडीच्या ठिकाणी बदली होण्याचे संकेत आहेत. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)