नाद करतेय का? शेतकऱ्याने विकत घेतली 3 कोटी किंमतीची Mercedes G-Wagen, व्हायरल VIDEO चं सत्य समोर

कधी अवकाळी पाऊस तर कुठे शेतीमाला भाव नसल्यामुळे शेतकऱ्यांना वारंवार संकटाचा सामना करावा लागतो. शेतीत काय ठेवलंय असा सवाल त्यामुळे उपस्थितीत केला जात आहे. पण, एक व्हिडीओ व्हायरल झाला आहे. यामध्ये एका शेतकऱ्याने तब्बल ३ कोटी रुपयांची मर्सिडीजची Mercedes G-Wagen ही आलिशान विकत घेतल्याचं दिसत आहे. मुळात मर्सिडीज गाड्या या नेहमी सेलिब्रिटी आणि उद्योजकांकडे पाहायला मिळतात. पण, आता एका शेतकरी धोतर आणि पगडी घालून शोरूमला पोहोचला आणि Mercedes G-Wagen विकत घेतली.

मुळात ही घटना आहे डिसेंबर २०२४ मधील. पण, या घटनेचा व्हिडीओ आता व्हायरल झाला आहे. क्रिश गुर्जर नावाच्या एका इंस्टाग्राम हँडलवर हा व्हिडीओ व्हायरल झाला आहे. हा शेतकरी नेमका कुठला आहे, याची माहिती अद्याप समोर आली नाही. पण, ही घटना नाशिकमधली असल्याचं कळतंय.

शेतकऱ्याने ज्या शोरूममधून Mercedes G-Wagen खरेदी केली तेव्हा त्या गाडीवर MH -15-TC -057 असा नंबर आहे. त्यामुळे ही गाडी नाशिकमधील मर्सिडीजच्या शोरूममधून विकत घेतल्याचं नंबरवरून तरी स्पष्ट होत आहे.

सोशल मीडियावर व्हायरल होण्यासाठी असा कोणताही नियम नाही. पण, अचानक इंन्साटाग्रामवर हा व्हिडीओ व्हायरल झाला आहे.

विशेष म्हणजे, या शेतकऱ्याने अगदी साधी आणि नेहमीची वेशभुषा करून शोरूम गाठलं. ते त्याच्या पत्नीसह पांढऱ्या मर्सिडीज जीएलएसमध्ये पारंपारिक धोतर आणि कुर्ता परिधान करून शोरूममध्ये पोहोचले.

शोरूममध्ये पोहोचल्यावर त्यांनी कागदपत्रांची सोईस्कर पूर्ण केली. त्यानंतर त्यांच्या पत्नीने कारची पूजा केली. कारची पूजा संपन्न झाल्यानंतर या शेतकऱ्याने स्वत: चालवत कार बाहेर नेली. या व्हिडीओमुळे सगळीकडे शेतकऱ्याच्या धाडसाचं कौतुक होत आहे.

Mercedes G-Wagen नेमकी आहे काय? - Mercedes G-Wagen एक मजबूत 3.0-लिटर, सहा-सिलेंडर डिझेल इंजिनसह सुसज्ज अशी आलिशान एसयूव्ही आहे. Mercedes G-Wagen मध्ये 2925 सीसीचं ६ सिलेंडर इंजिन आहे, जे 326 बीएचपी आणि 750 एनएम पीक टॉर्क देते.

Mercedes G-Wagen मध्ये ९-स्पीड ऑटोमॅटिक ट्रान्समिशनसह गिअरबॉक्स दिला आहे. गाडीत २४१ मिमीच्या ग्राउंड क्लीयरन्ससह, ही एसयूव्ही कोणत्याही रस्त्यावर सहज धावू शकते

Mercedes G-Wagen चा टॉप स्पीड हा २१० किमी/ताशी इतका आहे. फक्त ५.८ सेकंदात ० ते १०० किमी/ताशी वेग गाठते. Mercedes G-Wagenची लांबी ४,८२५ मिमी, रुंदी २,१८७ मिमी आणि उंची १,९७३ मिमी आहे.

Mercedes G-Wagen हाय-ग्लॉस ब्लॅक रंगात फिनिश केलेल्या स्टायलिश २०-इंच एएमजी ५ ट्विन-स्पोक लाइट-अॅलॉय व्हील्ससह येते. या एसयूव्हीचे वजन २,५५५ किलो आहे आणि ते ६४५ किलोपर्यंत पेलोड वाहून नेऊ शकते.

सध्या या Mercedes G-Wagen ची किंमत २.३८ ते २.९० कोटी (एक्स शोरूम, मुंबई) इतकी किंमत आहे. ऑनरोड या कारची किंमतही ३ कोटींपेक्षा जास्त आहे.