Netflix Top Movie: 'या' कोरियन सिनेमाने पुष्पा 2 लाही टाकलं मागे, थिएटरमध्ये फ्लॉप, पण ओटीटी वर नंबर 1

पुष्पा 2 ने जगभरात जोरदार कलेक्शन केलं आहे. या सिनेमाची क्रेझ प्रचंड होती आणि रिलीजनंतर तर सिनेमाने कल्लाच केला. थिएटरमध्ये सिनेमा हाऊसफुल्ल चालला आणि मग ओटीटीवरही सिनेमाची कमाल पहायला मिळाली. मात्र एका कोरियन सिनेमाने पुष्पा 2 ला ओटीटीवर पछाडलं.

पुष्पा 2 ला ओटीटीवर मागे टाकणारा हा कोरियन सिनेमा आहे बोगोटा: सिटी ऑफ द लॉस्ट. नेटफ्लिक्सवर बोगोटा: सिटी ऑफ द लॉस्ट जगभरात पहिल्या क्रमांकावर आहे. या दक्षिण कोरियन चित्रपटाने अल्लू अर्जुनच्या पुष्पा 2 ला मागे टाकले आहे.

डिसेंबर 2024 मध्ये थिएटरमध्ये प्रदर्शित झालेला 'पुष्पा २' हा चित्रपट ब्लॉकबस्टर हिट ठरला, ज्याने जगभरात 1700 कोटी रुपयांपेक्षा जास्त कमाई केली. अल्लू अर्जुन, रश्मिका मंदान्ना आणि फहाद फासिल अभिनीत हा चित्रपट 30 जानेवारी रोजी ओटीटीवर अनेक भाषांमध्ये आणि अतिरिक्त मिनिटांच्या फुटेजसह प्रदर्शित झाला.

नेटफ्लिक्सवरील भारतातील टॉप 10 चित्रपटांमध्ये 'पुष्पा २' ने अव्वल स्थान कायम ठेवले असताना, 5 फेब्रुवारी रोजी, एका दक्षिण कोरियन चित्रपटाने अल्लू अर्जुनच्या 'पुष्पा २' ला मागे टाकत जागतिक स्तरावर नंबर वन चित्रपट बनला.

'बोगोटा: सिटी ऑफ द लॉस्ट' हा कोरियन चित्रपट जो सध्या नेटफ्लिक्सच्या टॉप 10 चित्रपटांमध्ये (जागतिक स्तरावर) पहिल्या क्रमांकावर आहे. 3 फेब्रुवारी 2025 रोजी नेटफ्लिक्सवर प्रदर्शित झालेल्या या चित्रपटाने 'पुष्पा 2' आणि कॅमेरॉन डियाझच्या 'बॅक इन अॅक्शन'ला मागे टाकले. जगभरातील टॉप 5 यादीत 'ल्यूक वर्ल्ड', 'द सेंटिनल' आणि 'द सीक्रेट लाईफ ऑफ पेट्स 2' यांचा समावेश आहे.

31 डिसेंबर 2024 रोजी थिएटरमध्ये प्रदर्शित झालेला 'बोगोटा: सिटी ऑफ द लॉस्ट' हा चित्रपट कमी प्रतिसादामुळे अयशस्वी झाला. किम सेओंग-जे दिग्दर्शित हा चित्रपट अखेर ओटीटीवर प्रदर्शित झाला आणि जगभरात नेटफ्लिक्समध्ये अव्वल स्थान पटकावले. नेटफ्लिक्सच्या टॉप 10 चित्रपटांच्या यादीत नंबर मारला.

'बोगोटा: सिटी ऑफ द लॉस्ट' हा चित्रपट गूक-ही या दक्षिण कोरियन तरुणाची कथा सांगतो, जो 1997 च्या आशियाई आर्थिक संकटामुळे त्याचे जीवन विस्कळीत झाल्यानंतर, कोलंबियातील बोगोटा येथील धोकादायक गुन्हेगारी जगात अडकतो. सॉन्ग जोंग-की व्यतिरिक्त, या सस्पेन्स थ्रिलरमध्ये पार्क जी-ह्वान, चो ह्युन-चुल आणि किम जोंग-सू यांच्याही भूमिका आहेत.