Nikki Tamboli Birthday : बिग बॉसच्या घरात निक्कीचं बर्थडे सेलिब्रेशन! अरबाजकडून मिळालं स्पेशल गिफ्ट

अभिनेत्री आणि मॉडेल निक्की तांबोळी बिग बॉस मराठीच्या घरात आहे. घरात पहिल्या दिवसापासून निक्की धिंगाणा घालतेय.

पहिले तीन आठवडे निक्कीचा आवाज चांगलाच वाढला होता. पण चौथ्या आठवड्यात निक्की घरातील सगळ्या सदस्यांबरोबर मिळून मिसळून वागताना दिसत आहे.

बिग बॉसच्या घरात निक्की तांबोळीचा बर्थ डे सेलिब्रेट करण्यात आला. 21 ऑगस्ट रोजी निक्कीचा वाढदिवस होता. बिग बॉसच्या 23 ऑगस्टच्या भागात निक्कीचं बर्थडे सेलिब्रेशन पाहायला मिळणार आहे.

बिग बॉसनी निक्कीसाठी खास बर्थडे केक पाठवला. निक्कीनं घरातील सगळ्या सदस्यांबरोबर केक कटिंग केलं.

निक्कीचा बर्थडे आणखी स्पेशल करण्यासाठी सगळ्या सदस्यांनी तिला सकाळी उठून खास अंदाजात शुभेच्छा दिल्या. निक्कीनं सगळ्यांचे आभार मानले.

बिग बॉसच्या घरात निक्कीला बर्थडेचं खास गिफ्ट अरबाजकडून मिळालं आहे. निक्की पाचव्या आठवड्यात घराची कॅप्टन झाली आहे.

पाचव्या आठवड्याचा कॅप्टन अरबाज झाला होता. मात्र त्यानं दोन दिवसात एका टास्क दरम्यान निक्कीला कॅप्टन्सी बर्थडे गिफ्ट म्हणून दिली.