लिंबू केसांमध्ये चोळल्यावर खरंच कोंडा जातो का? नेमका उपाय काय?

आयुर्वेदिक डॉक्टर किशन लाल सांगतात की, लिंबू आंबट असल्यामुळे त्यात व्हिटॅमिन C भरपूर प्रमाणात असतं. विविध खाद्यपदार्थ आणि पेयांमध्ये लिंबाचा वापर केला जातो. लिंबाचा रस आणि साल दोन्ही आरोग्यपयोगी आहेत.

डॉक्टरांच्या सल्ल्यानुसार, लिंबाच्या रसात गूळ मिसळून त्यानं डोक्यावर मसाज करावी आणि 5 ते 7 तास तसंच ठेवावं. त्यानंतर व्यवस्थित मसाज करतच केस स्वच्छ धुवावे. असं केल्यानं केसांमधली सगळी घाण निघून जाते.

लिंबाच्या रसात आवळा वाटून हे मिश्रण केसांना लावल्यास केसगळती कमी होऊन केसांचा पोत सुधारतो, केस छान काळेभोर होतात. तसंच केसगळतीवर उपाय म्हणून लिंबाचा तुकडा केसांमध्ये चोळण्याचा सल्लाही दिला जातो. लसूण आणि लिंबाचा रस दोन्ही एकसमान मिसळून केसांना मसाज केल्यास काहीच दिवसात उवा नष्ट होतात.

1/2 लिटर पाण्यात लिंबाचा रस आणि चिमूटभर मीठ मिसळून प्यायल्यास पचनशक्ती भक्कम होते. शिवाय पोटाच्या विकारांवर आराम मिळतो. चक्करसारखं वाटल्यास 250 ग्रॅम पाण्यात लिंबाचा रस आणि थोडं मध घालून प्यायल्यास आराम मिळतो.

सूचना : इथं दिलेली माहिती तज्ज्ञांशी केलेल्या चर्चेवर आधारित आहे. तरी आपण आपल्या आरोग्याबाबत कोणताही निर्णय घेण्यापूर्वी स्वतः डॉक्टरांचा सल्ला घ्यावा. कोणत्याही नुकसानासाठी न्यूज18 मराठी जबाबदार नसेल.