Room Heater Danger : थंडीत रूम हिटर वापरताय पण 'ही' चूक करू नका, अन्यथा तुमचं हिटरच बनेल सायलेंट किलर!

बंद खोलीत हीटर किंवा फायरप्लेस वापरल्याने ऑक्सिजन कमी होतो आणि विषारी कार्बन मोनोऑक्साइड तयार होतो. हा गंधहीन वायू झोपेतही व्यक्तीला बेशुद्ध करू शकतो, ज्यामुळे मृत्यू होऊ शकतो.

रूम हिटर कधीकधी सायलेंट किलरबनू शकते. कारण जेव्हा बंद खोलीत कोळसा, लाकूड किंवा गॅस जळतो, तेव्हा त्याला जाळण्यासाठी ऑक्सिजनची आवश्यकता असते. बंद खोलीतील ऑक्सिजन हळूहळू कमी होतो, ज्यामुळे कार्बन मोनोऑक्साइड (CO) तयार होतो. हा एक रंगहीन आणि गंधहीन वायू आहे, जो श्वास घेताना समजत नाही. हा वायू फुफ्फुसांमधून रक्तप्रवाहात प्रवेश करतो आणि हिमोग्लोबिनशी बांधला जातो, ज्यामुळे शरीराचा ऑक्सिजन पुरवठा रोखला जातो. व्यक्ती झोपेत बेशुद्ध होते आणि हळूहळू मरते.

त्वचा आणि डोळ्यांचा कोरडेपणा हे हीटर वापरण्याचा आणखी एक नकारात्मक पैलू आहे. हीटर खोलीतील ओलावा शोषून घेतात, ज्यामुळे त्वचा कोरडी होते आणि डोळ्यांना जळजळ होते. शिवाय, दमा किंवा ब्राँकायटिस असलेल्यांसाठी ही हवा अत्यंत हानिकारक आहे. ऑक्सिजनच्या कमतरतेमुळे डोकेदुखी आणि चक्कर येऊ शकते, ज्यामुळे जागे झाल्यावर जडपणा आणि अशक्तपणा जाणवतो.

सुरक्षिततेसाठी वायुवीजन राखणे म्हणजेच घरात हवा खेळती राहिली पाहिजे. हीटर किंवा फायरप्लेस चालवताना, ताजी हवा आत येऊ देण्यासाठी आणि विषारी वायू काढून टाकण्यासाठी किमान एक खिडकी किंवा स्कायलाइट थोडेसे उघडे ठेवा.

पाण्याचा कंटेनर ठेवा : खोलीत आर्द्रता राखण्यासाठी हीटरजवळ पाण्याने भरलेली बादली किंवा वाटी ठेवा. यामुळे कोरडेपणा कमी होईल आणि तुमच्या त्वचेला आणि डोळ्यांना होणारी जळजळ टाळता येईल.

झोपण्यापूर्वी हीटर बंद करा. सर्वात महत्त्वाचा नियम म्हणजे झोपण्यापूर्वी हीटर बंद करा किंवा खोलीबाहेर ठेवा. रात्रभर कधीही ते जळत ठेवू नका. ही खबरदारी तुमच्या आणि तुमच्या कुटुंबाच्या सुरक्षिततेसाठी आवश्यक आहे.

हीटर बेड, पडदे किंवा कोणत्याही ज्वलनशील वस्तूपासून किमान 3 फूट दूर ठेवा. मुले आणि वृद्धांची रोगप्रतिकारक शक्ती कमी असते, म्हणून हीटरच्या गरम हवेच्या थेट संपर्कात त्यांना येऊ देऊ नका.