भटकंतीची आवड असणाऱ्या जवळच्या व्यक्तीला गिफ्ट द्यायचंय? तर मग या वस्तू आहे एकदम best

ट्रॅव्हलिंग टेंट : जर तुमचा कुणी मित्र नवीन लोकेशनवर जात असेल आणि तुम्हाला त्याला काही गिफ्ट करायचं असेल तर त्याला तुम्ही ट्रॅव्हलिंग टेंट भेट देऊ शकता. हे त्याला खूप आवडेल आणि त्याच्या कामातही येईल. मार्केटमध्ये तुम्हाला अनेक ट्रॅव्हलिंग टेंट मिळतील. तुम्ही त्यांना सिंगल किंवा डबल ट्रॅव्हलिंग टेंट गिफ्ट करू शकतात. एक गोष्ट लक्षात ठेवावी ती म्हणजे, त्या ट्रॅव्हलिंग टेंटचे वजन कमी असावे. यामुळे त्याला कॅरी करायला त्रास होणार नाही.

पॉवर बँक किंवा ब्लूटूथ स्पीकर : प्रवास करताना आमचा फोन चार्ज ठेवणे खूप महत्वाचे आहे. त्यामुळे अशा परिस्थितीत तुम्ही तुमच्या मित्राला पॉवर बँकदेखील भेट देऊ शकता. बऱ्याच लोकांना प्रवासात गाणी ऐकणे आणि नृत्य करणे आवडते, म्हणून तुम्ही त्यांना ब्लूटूथ स्पीकरही भेट देऊ शकता.

ट्रेकिंग बूट्स : जर तुमच्या मित्र मैत्रिणीला किंवा कुटुंबातील सदस्याला ट्रेकिंगला जायला आवडत असेल तर तुम्ही त्यांना ट्रेकिंग बूट भेट देऊ शकता. डोंगरात सुरक्षित ट्रेकिंगसाठी ट्रेकिंग बूट खूप महत्त्वाचे आहेत. सध्या बाजारात अनेक प्रकारचे ट्रेकिंग बूट सहज उपलब्ध आहेत. विशेष म्हणजे, स्पाइक असलेले बूट ट्रेकिंगसाठी बेस्ट मानले जातात.

ट्रॅव्हल जॅकेट किंवा हुडी : जर तुम्हाला फिरायची आवड असणाऱ्या तुमच्या मित्रमैत्रिणीला ट्रॅव्हलिंग गॅजेट्स व्यतिरिक्त कपडे भेट द्यायचे असतील तर तुम्ही ट्रॅव्हल जॅकेट किंवा हुडी भेट देऊ शकता. आजकाल अनेक प्रकारची ट्रॅव्हल जॅकेट्स बाजारात सहज उपलब्ध होतात. त्यामुळे हे गिफ्टसुद्धा बेस्ट पर्याय आहे.