Divya Shinde: 'एरव्ही संविधानाच्या गोष्टी करता...', BBM6 मध्ये पहिल्यांदाच दिसला बिग बॉसचा रुद्रावतार! दिव्याला झाप-झाप झापलं

मुंबई : 'बिग बॉस मराठी'च्या सहाव्या पर्वात दररोज राडे, ओरडाओरडा आणि टास्कमधील चढाओढ आपण पाहतोच आहोत. पण शुक्रवारी प्रेक्षकांना एक असा धक्का बसला, ज्याची कोणी कल्पनाही केली नव्हती. सहसा स्पर्धक मतदानाने किंवा कमी मतांमुळे घराबाहेर पडतात, पण दिव्या शिंदे हिला मात्र चक्क तिच्या एका खळबळजनक विधानामुळे बिग बॉसने घराबाहेरचा रस्ता दाखवला आहे. ना कोणती हाणामारी झाली, ना कोणता मोठा राडा; फक्त एका तलवारीच्या धमकीने दिव्याचं बिग बॉसच्या घरातील स्वप्न चौथ्या आठवड्यातच धुळीला मिळवलं आहे.