Mumbai Tourism: मुंबईत हे नाही पाहिलं, तर पाहिलं काय? पावसाळी पर्यटनासाठी 5 बेस्ट ठिकाणं!

पावसाळा सुरु होताच संपूर्ण मुंबईत एक नवा उत्साह निर्माण होतो. पावसाच्या सरी, थंड वारे आणि निसर्गाची नवलाई अनुभवण्यासाठी मुंबईकर आणि पर्यटक शहरातील काही खास ठिकाणांकडे वळतात. अशाच मुंबईतल्या 5 फेमस ठिकाणांबाबत जाणून घेऊ.

मरीन ड्राइव: पावसात मरीन ड्राइववरून समुद्राचा नजारा घेताना समुद्राची लाटं आणि थंड वाऱ्याची झुळूक मन प्रसन्न करते. ‘क्विन्स नेकलेस’ म्हणून प्रसिद्ध असलेल्या या ठिकाणी संध्याकाळच्या सैरिचा अनुभव खास असतो.

गेटवे ऑफ इंडिया: पावसाच्या सरींमध्ये गेटवेच्या पार्श्वभूमीवर उठणारे ढग, अरबी समुद्राची जोरदार लाटं आणि समोर दिसणारी ताज हॉटेलची इमारत यामुळे इथे वेगळीच मज्जा आहे.

वांद्रे फोर्ट: वांद्रेच्या समुद्रकिनारी वसलेला हा ऐतिहासिक किल्ला पावसाळ्यात अतिशय सुंदर दिसतो. येथे समुद्राच्या लाटांसोबत किल्ल्याच्या भिंतींवर बसून निसर्गाचा आनंद घेता येतो.

हिरानंदानी गार्डन्स, पवई: युरोपियन शैलीत बांधलेली इमारती, स्वच्छ रस्ते, आणि हिरवाई यामुळे पवईतला हा भाग पावसात आणखी खुलतो. फोटो काढण्यासाठी आणि फिरण्यासाठी हे ठिकाण उत्तम आहे.

संजय गांधी नॅशनल पार्क, बोरिवली: पावसाळ्यात हा नॅशनल पार्क निळ्या-पाण्याच्या धबधब्यांनी आणि दाट जंगलाने सजतो. निसर्गप्रेमी, ट्रेकर्स आणि फोटोग्राफर्ससाठी हे ठिकाण स्वर्गासारखं आहे.

मुंबईत या 5 ठिकाणांशिवाय पर्यटकांना आकर्षित करणारी इतरही ठिकाणं आहेत. महानगरीतील ही ठिकाणं पावसात अजूनच खुलतात, समुद्राच्या लाटा अधिक जोरात धडकतात, झाडाझुडपं हिरव्यागार होतात आणि रस्त्यांवर भटकंती करणं अधिकच सुखद वाटतं.