Mumbai Amravati Express Accident : जळगावात मुंबई-अमरावती एक्सप्रेसचा अपघात, पहाटे 4 वाजता नेमकं काय घडलं?

Published by:Saurabh Talekar

Last Updated:Mar 14, 2025 7:53 AM IST

Mumbai Amravati Express Accident : गेल्या काही दिवसात रेल्वे अपघाताचं प्रमाण मोठ्या प्रमाणावर वाढलं आहे. अशातच आता जळगावजवळ मुंबई अमरावती एक्सप्रेसचा अपघात झाल्याची माहिती समोर आली आहे.

1/7

गेल्या पाच वर्षांत, 200 रेल्वे अपघातांमध्ये 351 जणांचा मृत्यू झाला आणि 970 जण जखमी झाले, असं भारतीय रेल्वेने 17 रेल्वे झोनमधून शेअर केलेल्या आकडेवारीवरून दिसून येतंय.

2/7

अशातच आता जळगावातून मोठी बातमी समोर आली आहे. जळगाव जिल्ह्यातील बोदवड रेल्वे स्थानकाजवळ मुंबई अमरावती एक्सप्रेसचा अपघात झाल्याची माहिती समोर आली आहे. पहाटे चार वाजता हा अपघात घडला आहे.

3/7

बोदवड रेल्वे स्थानकाजवळ असलेले जुने रेल्वे क्रॉसिंग तोडून धान्याचा ट्रक थेट ट्रॅकवर आल्याने मुंबई अमरावती एक्सप्रेस ट्रकला धडकल्याची घटना घडली आहे.

4/7

बोदवड रेल्वे स्थानकावर पहाटे 4 वाजता ही घटना घडली. रेल्वेचा वेग कमी असल्याने मोठा अनर्थ टळला. अपघातात सुदैवाने कोणतीही जीवितहानी झाली नसल्याची माहिती समोर आली आहे.

5/7

पहाटे 4 वाजल्यापासून मुंबई हावडा मार्गावरील अप आणि डाऊन या दोन्ही मार्गावरील वाहतूक विस्कळीत झाली आहे. त्यामुळे प्रवाशांना संकटाचा सामना करावा लागतोय.

6/7

अमरावती एक्सप्रेसच्या अपघातामुळे रेल्वे वाहतुकीवर मोठा परिणाम झाला आहे. अपघातानंतर ट्रकचालक घटनास्थळावरून फरार आहे. तसेच जखमींवर उपचार सुरू असल्याची माहिती मिळतीये.

7/7