रस्त्यांची पाहणी करायला गेले मुख्यमंत्री; खड्ड्यांमुळे झालेल्या ट्राफिकमध्ये अडकला ताफा, पाहा PHOTO

ठाणे, पालघर, नाशिक, रायगड जिल्ह्यातील महामार्गावरील खड्डे, वाहतुक कोंडीची मुख्यमंत्री एकनाथ शिंदे यांनी गंभीर दखल घेतली. त्यांनी रस्ते दुरुस्तीच्या कामात हयगय नको. नागरिकांना वाहतुक कोंडीपासून तात्काळ दिलासा द्या असे आदेश दिले आहेत.

रॅपीड क्वीक सेटिंग हार्डनर, एम सिक्टी तंत्रज्ञानाच्या वापराने महामार्गावरील खड्डे बुजवण्याचे काम प्रगतीपथावर आहे. ठाणे, पालघर, नाशिक, रायगड जिल्ह्यातून होणाऱ्या अवजड वाहतुकीचे नियमन करा असं मुख्यमंत्री शिंदे यांनी सांगितलं.

नाशिक महामार्गावर पडलेल्या खड्ड्यांची पाहणी करण्यासाठी महाराष्ट्राचे मुख्यमंत्री एकनाथ शिंदे आले होते. त्यांचाच गाड्यांचा ताफा वाशिंद येथील झालेल्या ट्राफिक मध्ये अडकला.

मुख्यमंत्री एकनाथ शिंदे मुंबई - नाशिक महामार्ग पडलेल्या खड्ड्यांची पाहणी करण्यासाठी निघाले असताना त्यांनी पडघा टोल नाका सोडल्यानंतर वाशिंद येथे झालेली वाहतूक कोंडी मध्ये त्यांचीच गाडी अडकली.

मुख्यमंत्री एकनाथ शिंदे यांची गाडी ट्राफिकमधून काढण्यासाठी पोलिसांनी प्रयत्न केले. मुख्यमंत्री एकनाथ शिंदे यांनी यावर उपाययोजना करण्यासाठी संबंधित यंत्रणांना आदेश दिले.