Badlapur School Case : शाब्बास पोलिसांनो! बदलापूरच्या चिमुरडीवर अत्याचारानंतर 12 तास झोपले अन् 300 आंदोलकांवर रात्रीच गुन्हे दाखल

शाळेत 4 वर्षांच्या मुलींवर अत्याचार प्रकरणाचे पडसाद मंगळवारी बदलापूर शहरात उमटले होते. संतप्त नागरिकांनी बदलापूर स्टेशनवर रेलरोको करत 8 तासांहून अधिक काळ आंदोलन केलं.

आता या आंदोलन प्रकरणी पोलिसांनी कारवाई करत आंदोलकांवर गुन्हा दाखल केला आहे. 300 जणांवर गुन्हा दाखल केला असून 28 जणांना कल्याण जीआरपी पोलिसांनी अटक केली आहे.

यानंतर कल्याण रेल्वे पोलीस ठाण्यात रेल्वे पोलीस आणि आंदोलनकर्त्याच्या वकिलांमध्ये वाद झाला. आंदोलनकर्त्यांच्या सह्या घेण्यासाठी वकील गेले असता रेल्वे पोलीस कर्मचाऱ्यांनी वकिलांशी अरेरावी केल्याचा आरोप करण्यात आला आहे.

मुलीच्या प्रकरणाची पोलिसांनी लगेच दखल घेतली नाही. पोलिसांनी प्रकरणात दिरंगाई केली नसती तर आंदोलन झालं नसतं, असं वकील म्हणाले.

पोलिसांवर कायदेशीर कारवाई करा, आंदोलन कर्त्यांवरील गुन्हे मागे घ्या. अशी मागणी वकिलांनी केली आहे.