उपमुख्यमंत्री अजित पवारांचा अपघाती मृत्यू! जाणून त्यांनी कुठे-कुठे केली होती गुंतवणूक

महाराष्ट्राचे उपमुख्यमंत्री अजित पवारांचं विमान अपघातात दुःखद निधन झालं आहे. बारामतीमध्ये लँडिंग दरम्यान विमान क्रॅश झालं. मुंबईहून सकाळी अजित पवार बारामतीकडे निघाले होते. मात्र विमान लँड होतानाच हा अनर्थ घडला आणि महाराष्ट्राने एक हरहुन्नरी नेता गमावला आहे. दरम्यान अजित पवार आपल्या संपत्तीविषयी नेहमीच चर्चेत राहायचे. निवडणूक आयोगाला दिलेल्या प्रतिज्ञापत्रावरुन त्यांची एकूण संपत्ती किती होती आणि त्यांनी कुठे-कुठे गुंतवणूक केली होती याची माहिती मिळाली आहे. अजित पवारांची गणना ही नेहमीच महाराष्ट्रातील श्रीमंत नेत्यांमध्ये केली गेले होती.

2024 च्या विधानसभा निवडणुकीत दाखल केलेल्या त्यांच्या प्रतिज्ञापत्रानुसार, त्यांनी एकूण ₹45.37 कोटी किमतीची मालमत्ता जाहीर केली. ज्यामध्ये ₹8.22 कोटी पेक्षा जास्त किमतीची जंगम मालमत्ता आणि ₹37.15 कोटी किमतीची स्थावर मालमत्ता समाविष्ट आहे.

अजित पवारांनी या गोष्टींमध्येही केलीये गुंतवणूक : यासोबतच ट्रॅक्टर, चांदीचे साहित्य, फिक्स्ड डिपॉझिट, शेअर आणि बॉन्डमध्येही आहे. अचल संपत्तीमध्ये जमीन आणि घराचा समावेश आहे, जे महाराष्ट्रात आहेत. गेल्या पाच वर्षात त्यांच्या संपत्तीमध्ये मोठी वाढ झाली आहे. 2019 ते 2024 पर्यंत अचल संपत्तीमध्ये जवळपास 10 कोटी रुपयांची वाढ झाली आहे.

काही मीडिया रिपोर्ट्सनुसार, 2025 मध्ये त्यांनी महाराष्ट्राचा अर्थसंकल्प सादर केला तेव्हा त्यांची मालमत्ता 124 कोटी होती. तसंच, हा आकडा त्यांच्या निवडणूक प्रतिज्ञापत्रापेक्षा वेगळा असल्याचे दिसून येते आणि कुटुंबाची एकूण मालमत्ता किंवा वेगळी गणना दर्शवू शकते. प्रत्यक्ष आकडा निवडणूक आयोगाच्या प्रतिज्ञापत्रावरून उपलब्ध आहे, जो 2024 मध्ये 45 कोटी पेक्षा जास्त होता. 2025 किंवा 2026 मध्ये नवीन निवडणुका नाहीत, त्यामुळे अद्याप नवीन प्रतिज्ञापत्र जारी केलेले नाही.

अजित पवारांची 10 कोटी रुपयांहून जास्त इनव्हेस्टमेंट : तर मायनेता डॉट कॉमवर निवडणूक एफिडेव्हिटच्या हवाल्याने जी माहिती देण्यात आली आहे. त्यानुसार, अजित पवारांची एकूण 124 कोटी रुपयांची संपत्ती आहे. तर त्याच्यावरील दायित्वाचाही त्यात उल्लेख करण्यात आला आहे, जो 21.39 कोटी रुपये आहे.

अजित पवार यांच्या मालमत्तेत पोस्ट ऑफिस बचत योजनांमध्ये मोठ्या प्रमाणात गुंतवणूक समाविष्ट आहे, ज्याची किंमत ₹10 कोटींपेक्षा जास्त असल्याचे म्हटले जाते. तसंच, त्यांची एकूण घोषित मालमत्ता सुमारे ₹45 कोटी असण्याचा अंदाज आहे. त्यांच्या जंगम मालमत्तेत दोन कार देखील समाविष्ट आहेत - एक टोयोटा कॅमरी आणि एक होंडा सीआरव्ही.