शेअर बाजारात एका रात्रीत बदललं गणित, मोठे उलटसुलट संकेत;‘ॲक्शन डे’ मुळे वातावरण तापलं, गुंतवणूकदार चक्रावले

केंद्रीय अर्थसंकल्प सादर झाल्यानंतरच्या पुढील दिवशी म्हणजेच 2 फेब्रुवारी रोजी अनेक कंपन्यांशी संबंधित महत्त्वाच्या घडामोडी समोर आल्या आहेत. काही कंपन्यांनी आपले तिमाही निकाल जाहीर केले, तर काहींनी करार, गुंतवणूक, प्रोजेक्ट ट्रान्सफर आणि धोरणात्मक निर्णयांची माहिती दिली आहे. त्यामुळे उद्या बाजार उघडताच काही निवडक स्टॉक्समध्ये मोठी हालचाल पाहायला मिळू शकते.

Bharat Forge रडारवरील पहिला महत्त्वाचा स्टॉक म्हणजे Bharat Forge. कंपनीने माहिती दिली आहे की त्यांच्या उपकंपनी JS Auto ने PI Opportunities Fund सोबत करार केला आहे. या कराराअंतर्गत PI Opportunities Fund, JS Auto मधील 23 टक्के हिस्सा खरेदी करणार आहे. या व्यवहाराची किंमत सुमारे 300 कोटी रुपये असल्याचे कंपनीने स्पष्ट केले आहे.

IRB Infra या यादीतील पुढील स्टॉक आहे IRB Infra. कंपनीने आपल्या IRB InvIT Fund कडे प्रोजेक्ट ट्रान्सफर केल्याची माहिती दिली आहे. प्रोजेक्ट ट्रान्सफरची प्रक्रिया पूर्ण झाली असून, यामधून कंपनीला इक्विटी गुंतवणुकीसाठी 513 कोटी रुपये मिळणार आहेत.

GAIL GAIL ने त्यांच्या कॉन्कॉलमध्ये पुढील दोन वर्षांत सुमारे 85 नवीन CNG स्टेशन जोडण्याची योजना असल्याचे सांगितले आहे. याशिवाय नवीन पेट्रोलियम आणि पेट्रो प्रॉडक्ट्स पाइपलाइनसाठी बोली लावण्याचा विचार असल्याचेही कंपनीने स्पष्ट केले. FY26 साठी 124–125 mscmd गॅस ट्रान्समिशन गाइडन्स गाठण्याचा विश्वास कंपनीने व्यक्त केला आहे, तर FY27 मध्ये हा आकडा 134–135 mscmd राहण्याचा अंदाज आहे.

Lupin Lupin हा देखील उद्या चर्चेत राहू शकतो. कंपनीने Dasatinib ही कॅन्सरवरील औषध अमेरिकेत लॉन्च केली आहे. अमेरिकेत या औषधाचा वार्षिक बाजार सुमारे 93 कोटी डॉलर इतका असल्याची माहिती कंपनीने दिली आहे.

Power Grid Power Grid ने त्यांच्या कॉन्कॉलमध्ये सांगितले की FY26 मध्ये आतापर्यंत 29,200 कोटी रुपयांचा कॅपेक्स करण्यात आला आहे. कंपनीने FY26 साठी ठरवलेले 28,000 कोटी रुपयांचे कॅपेक्स लक्ष्य आधीच पूर्ण केले आहे. 31 जानेवारीपर्यंत कंपनीची कॅपिटलायझेशन 18,700 कोटी रुपये इतकी आहे.

Bajaj Housing Finance Bajaj Housing Finance ने तिमाही निकाल जाहीर केले आहेत. कंपनीचा नफा 548 कोटी रुपयांवरून वाढून 665 कोटी रुपये झाला आहे. NII 810 कोटींवरून 964 कोटी रुपये (YoY) झाली आहे. ग्रॉस NPA 0.29% वरून 0.27%, तर नेट NPA 0.13% वरून 0.11% (QoQ) इतका कमी झाला आहे.

Ather Energy EV स्कूटर निर्माता Ather Energy नेही तिमाही निकाल जाहीर केले आहेत. कंपनीचा तोटा 197.6 कोटी रुपयांवरून घटून 83.6 कोटी रुपये झाला आहे. कंपनीची कमाई 635 कोटींवरून वाढून 953.6 कोटी रुपये झाली आहे. EBITDA तोटा 140 कोटींवरून 72 कोटी रुपये इतका कमी झाला आहे.

Adani Ports Adani Ports ने एक्सचेंज फाइलिंगमध्ये सांगितले की जानेवारी महिन्यात कंपनीने 4.48 कोटी टन कार्गो व्हॉल्यूम हाताळले आहे. हा व्हॉल्यूम मागील वर्षाच्या तुलनेत 12% ने वाढलेला आहे.

City Union Bank प्रायव्हेट सेक्टरनंतर City Union Bank नेही तिमाही निकाल जाहीर केले आहेत. बँकेचा नफा 286 कोटींवरून वाढून 332 कोटी रुपये झाला आहे. NII 587.7 कोटींवरून वाढून 752 कोटी रुपये झाली आहे. ग्रॉस NPA 2.42% वरून 2.17%, तर नेट NPA 0.90% वरून 0.78% इतका कमी झाला आहे.

Unichem Labs Unichem Labs च्या कोल्हापूर युनिटला US FDA कडून 5 निरीक्षणे (Observations) देण्यात आली आहेत. 27 जानेवारी ते 2 फेब्रुवारी दरम्यान युनिटची तपासणी करण्यात आली होती, अशी माहिती एक्सचेंज फाइलिंगमधून समोर आली आहे.

Tata Chemicals Tata Chemicals ने Q3 चे निकाल जाहीर केले आहेत. कंपनीचा तोटा 53 कोटींवरून वाढून 93 कोटी रुपये झाला आहे. कमाई 3,590 कोटींवरून घटून 3,550 कोटी रुपये झाली आहे. EBITDA 434 कोटींवरून घटून 345 कोटी रुपये, तर EBITDA मार्जिन 12.09% वरून 9.72% पर्यंत घसरले आहे. लेबर कोडमुळे 54 कोटी रुपयांचा अतिरिक्त खर्च झाल्याचे कंपनीने सांगितले.

Utkarsh SFB Utkarsh Small Finance Bank नेही तिमाही निकाल जाहीर केले आहेत. बँकेचा तोटा 168 कोटींवरून वाढून 375 कोटी रुपये झाला आहे. NII 480 कोटींवरून घटून 348 कोटी रुपये झाली आहे. ग्रॉस NPA 12.42% वरून 11.05%, तर नेट NPA 5.02% वरून 4.48% इतका कमी झाला आहे.

PB Fintech PB Fintech चा बोर्ड गुरुवारी QIP च्या माध्यमातून फंड उभारणीवर विचार करणार आहे. याशिवाय कंपनीने Q3 चे निकाल जाहीर करताना नफ्यात लक्षणीय वाढ झाल्याची माहिती दिली आहे.

Aarti Industries Aarti Industries ने दमदार तिमाही निकाल सादर केले आहेत. कंपनीचा नफा 46 कोटींवरून वाढून 133 कोटी रुपये झाला आहे. कमाई 1,843 कोटींवरून वाढून 2,319 कोटी रुपये झाली आहे. EBITDA 232 कोटींवरून वाढून 322 कोटी रुपये, तर EBITDA मार्जिन 12.6% वरून 13.9% पर्यंत सुधारले आहे.