PM Modi in Ayodhya : लोकसभा निवडणुकीआधी PM मोदी रामलल्लाच्या दर्शनाला; म्हणाले 140 कोटी भारतीय..

देशभरात मंगळवारी 7 मे रोजी लोकसभा निवडणुकीसाठी तिसऱ्या टप्प्यातील मतदान पार पडणार आहे.

या मतदारसंघासाठी प्रचाराच्या तोफा आज थंडावल्या. तर दुसरीकडे पंतप्रधान नरेंद्र मोदी पुन्हा एकदा अयोध्येत रामलल्लाच्या दर्शनासाठी पोहचले.

अयोध्येत, माझ्या 140 कोटी भारतीयांच्या कल्याणासाठी प्रभू श्रीरामांची प्रार्थना केली, असं ट्विट पंतप्रधान नरेंद्र मोदी यांच्या सोशल मीडिया अकाउंटवरुन करण्यात आले.

पंतप्रधानांच्या स्वागतासाठी राम मंदिरासह संपूर्ण अयोध्या शहर सजवण्यात आले आहे. भव्य सजावटीसह मंदिराचे गेट फुलांनी सजवले आहे.

पंतप्रधानांच्या स्वागतासाठी संपूर्ण अयोध्या शहरातील चौकाचौकात भाजप आणि पंतप्रधान मोदींचे झेंडे घेऊन कार्यकर्ते उभे होते.

राम मंदिराच्या उद्घाटनानंतर पंतप्रधान नरेंद्र मोदी अयोध्येत येण्याची ही पहिलीच वेळ आहे. राम लल्लाच्या दर्शनासोबतच पंतप्रधान मोदी अयोध्येत लोकसभा निवडणुकीसंदर्भात संध्याकाळी होणाऱ्या भव्य रोड शोमध्ये सहभागी होणार आहेत.