नखांचे खोलवर वार, दंडावर ओरखडे पण स्टील बॉडीसमोर हल्लाही फेल, बिबट्याच्या तावडीतून 'असा' सुटला तरुण!

धाराशिव जिल्ह्यातील तुळजापूर तालुक्यातील मसला खुर्द येथे बिबट्याने दुपारच्या सुमारास अचानक झडप घालून एका युवकावर हल्ला केला.

निखिल बाबुराव गायकवाड (वय २७) असे जखमी झालेल्या युवकाचे नाव आहे. दुपारी २ वाजता ही घटना घडली असून निखिल गायकवाड यांच्या डाव्या दंडावर बिबट्याच्या नखांनी गंभीर जखमा केल्या आहेत.

त्यांना तातडीने उपजिल्हा रुग्णालय तुळजापूर येथे दाखल करण्यात आले असून उपचार सुरू आहेत.

घटनास्थळाच्या माहितीनुसार, निखिल यांची देहयष्टी मजबूत असल्याने आणि प्रसंगावधान राखल्यामुळे मोठा अनर्थ टळला. मात्र, अंगावर खोलवर नखांचे वार झाले आहेत.

या घटनेने परिसरात भीतीचे वातावरण निर्माण झाले असून वनविभागाने त्वरीत लक्ष घालावे, अशी मागणी ग्रामस्थांनी केली आहे.