T20 World Cup : पहिल्याच दिवशी पाकिस्तानचा गेम झाला, 8 तासात भारताने केला मोठा उलटफेर

वानखेडेच्या मैदानावर आयसीसी टी20 वर्ल्ड कपच्या पहिल्या सामन्यात भारताने 29 धावांनी अमेरिकेचा पराभव केला आहे. या विजयासह भारताने वर्ल्ड कपला चांगली सूरूवात केली होती.

भारताने प्रथम फलंदाजी करताना 161 धावा केल्या होत्या.या लक्ष्याचा पाठलाग करताना अमेरिका फक्त 132 धावांपर्यंत मजल मारू शकली होती. त्यामुळे भारताने 29 धावांनी त्यांचा पराभव केला होता.

भारताने हा पहिलाच सामना जिंकून पॉईंटस टेबलमध्ये पहिले स्थान पटकावले आहे. भारताने एका सामन्यात 2 गुणांसह +1.450 नेट रनरेट हे स्थान पटकावलं आहे.

भारताच्या आधी आज सकाळी पाकिस्तानने नेदरलँडचा 3 विकेट राखून पराभव केला होता. या विजयासह पाकिस्तान पहिल्या क्रमांकावर आली होती. पाकिस्तानचे एका विजयासह 2 गुण आणि +0.240 होता.

पण आता आठ तासानंतर भारताने अमेरिकेचा पराभव करून पाकिस्तानचं पहिलं स्थान हिसकावलं आहे. आता पाकिस्तान दुसऱ्या स्थानी गेली आहे. त्यामुळे पाकिस्तानला हा मोठा झटका आहे.

पाकिस्तानचा आता दुसरा सामना हा अमेरिकेतशी 10 फेब्रुवारीला होणार आहे, तर भारत 12 फेब्रुवारीला नामिबियाशी भिडणार आहे.