आज कोणाला चुकूनही देऊ नका घरातील 'या' वस्तू, होईल मोठं नुकसान; 99% लोक करतात चूक

साडेतीन मुहूर्तांपैकी एक असलेल्या या शुभ दिवशी म्हणजेच गुढी पाडव्याला आपण नवीन वस्तू घरी आणतो, सोने-खरेदी करतो आणि दानधर्मही करतो. मात्र, शास्त्रानुसार गुढीपाडव्याच्या दिवशी घरातील काही विशिष्ट वस्तू दुसऱ्याला देणे किंवा उसने देणे अत्यंत अशुभ मानले जाते. अनेकांना माहिती नसल्यामुळे 99% लोक ही चूक करतात, ज्याचा परिणाम घरातील लक्ष्मी जाण्यात आणि वर्षभर आर्थिक चणचण भासण्यात होऊ शकतो.

दही: दही हे शुक्राचे प्रतीक मानले जाते, जो भौतिक सुख आणि समृद्धी देणारा ग्रह आहे. गुढीपाडव्याच्या दिवशी कोणालाही घरातील दही देऊ नका. असे केल्याने घरातील सुख-शांती दुसऱ्याकडे जाते आणि शुक्र ग्रह कमकुवत होतो, ज्यामुळे कौटुंबिक कलह वाढू शकतात.

मीठ किंवा साखर: मीठ हे चंद्राचे आणि घराच्या बरकतीचे प्रतीक आहे, तर साखर शुक्राचे. पाडव्याच्या मुहूर्तावर शेजाऱ्यांना किंवा कोणालाही उसने मीठ किंवा साखर देऊ नका. यामुळे घरातील 'अन्नपूर्णा' माता नाराज होते आणि आर्थिक हानी सोसावी लागते. या वस्तू देणे म्हणजे घराचे नशीब दुसऱ्याला देण्यासारखे मानले जाते.

धणे: धणे हे धन आणि समृद्धीचे कारक मानले जातात. अनेक घरांमध्ये धणे पेरून गुढीपाडव्याला त्याची पूजा केली जाते. आजच्या दिवशी धणे कोणालाही देऊ नका किंवा उसने देऊ नका. यामुळे घरातील लक्ष्मीचा वास कमी होतो आणि वर्षभर पैशांची टंचाई भासू शकते.

हळद: हळद हा मांगल्याचा आणि भगवान विष्णूंचा आवडता पदार्थ आहे. नवीन वर्षाच्या पहिल्याच दिवशी घरातील हळद बाहेर देणे म्हणजे घरातील सौभाग्य बाहेर देण्यासारखे आहे. यामुळे शुभ कार्यांत अडथळे निर्माण होऊ शकतात आणि कुंडलीतील गुरु ग्रह निर्बल होतो.

तांदूळ: तांदूळ हे 'अक्षता' म्हणून पूजेत वापरले जातात आणि ते चंद्राचे प्रतीक आहेत. पाडव्याच्या दिवशी घरातील तांदूळ कोणालाही दिल्यास मानसिक शांतता भंग पावते आणि घराची भरभराट थांबते. तांदूळ हे समृद्धीचे द्योतक असल्याने ते आज घरातच साठवून ठेवावे.

1 रुपयाचं नाणं किंवा रोकड: आजच्या दिवशी कोणालाही उसने पैसे किंवा 1 रुपयाचे नाणे देऊ नका. गुढीपाडवा हा धन संचय करण्याचा दिवस आहे. या दिवशी दिलेले कर्ज सहसा परत मिळत नाही आणि तुमच्या घरातील 'चल लक्ष्मी' दुसऱ्याच्या घरात स्थिर होते. दान करायचे असल्यास ते स्वतःच्या आनंदाने करा, पण उसने देऊ नका. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)