ढोल-ताशांचा गजर अन् फुलांचा वर्षाव, लग्नाची वरात नव्हे, गुढीपाडव्याला शाळेत अनोखा उत्सव, Video

छत्रपती संभाजीनगर : गुढीपाडवा हा हिंदू धर्मात साडेतीन मुहूर्तांपैकी एक मानला जातो. त्यामुळे या दिवशी कोणत्याही शुभकार्याची सुरुवात केली जाते. ढोरेगाव (ता. गंगापूर) येथील जिल्हा परिषद केंद्रीय प्राथमिक शाळेत नवागत विद्यार्थ्यांच्या स्वागतासाठी प्रवेशोत्सवाचे आयोजन केले. संपूर्ण गावाने एकत्र येत या उपक्रमाला उत्सवाचे रूप दिले. “शिक्षणाचा उत्सव गावभर” या संकल्पनेनुसार प्रत्येक मुलगा-मुलगी शाळेत यावी आणि शिक्षणाबद्दल सकारात्मक वातावरण निर्माण व्हावे, हा मुख्य उद्देश होता.