पैशांची तंगी झटक्यात होईल दूर, 'हा' रत्न धारण करताच बदलेले नशीब; होतील जबरदस्त फायदे!

रत्नशास्त्रामध्ये अनेक अशा रत्नांचा उल्लेख आहे जे केवळ सौंदर्य वाढवत नाहीत, तर मानवी जीवनातील ग्रहांचे दोष दूर करून प्रगतीचे मार्ग मोकळे करतात. आजच्या महागाईच्या काळात अनेकांना आर्थिक टंचाईचा सामना करावा लागतो. अशा परिस्थितीत 'जेड स्टोन' किंवा 'मर्गज रत्न' हे नशिबाचा कायापालट करणारे रत्न मानले जाते.

हिरव्या रंगाचे हे रत्न बुद्धी आणि व्यापाराचा कारक असलेल्या 'बुध' ग्रहाशी संबंधित आहे. हे रत्न धारण केल्याने केवळ पैसाच येत नाही, तर मानवी स्वभावात सकारात्मक बदल घडून येतात.

आर्थिक समृद्धी आणि प्रगती: जेड स्टोनला 'लकी स्टोन' मानले जाते. हे धारण केल्याने पैशांची टंचाई दूर होते. रखडलेली कामे मार्गी लागतात आणि उत्पन्नाचे नवीन मार्ग खुले होतात. व्यवसायात अचानक धनलाभ मिळवून देण्यासाठी हे रत्न प्रसिद्ध आहे.

कामाच्या ठिकाणी एकाग्रता: जर तुमचे कामात लक्ष लागत नसेल किंवा वारंवार चुका होत असतील, तर जेड स्टोन तुम्हाला मानसिक स्थैर्य देतो. यामुळे तुमची एकाग्रता वाढते आणि वरिष्ठांकडून तुमच्या कामाचे कौतुक होण्यास सुरुवात होते.

तणाव आणि भीतीपासून मुक्ती: आजच्या धावपळीच्या जीवनात मानसिक तणाव सामान्य आहे. जेड स्टोन हृदयाच्या चक्राशी जोडलेले असल्याने ते मनातील भीती आणि अस्वस्थता दूर करते. हे रत्न धारण केल्याने आत्मविश्वास वाढतो.

आरोग्यदायी फायदे: रत्नशास्त्रानुसार, जेड स्टोन मूत्रपिंड आणि पचनसंस्थेशी संबंधित आजारांमध्ये आराम देतो. शरीरातील विषारी घटक बाहेर टाकण्यास हे मदत करते, ज्यामुळे त्वचेवर नैसर्गिक चमक येते.

नात्यांमध्ये गोडवा: हे रत्न केवळ पैसाच नाही, तर प्रेमही आकर्षित करते. कौटुंबिक कलह दूर करण्यासाठी आणि पती-पत्नीमधील संबंध सुधारण्यासाठी जेड स्टोन घरामध्ये किंवा शरीरावर धारण करणे फायदेशीर ठरते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)