Richest Temples in India : भारतातील या 10 मंदिरात लाखो-कोट्यवधींचा 'खजिना'; महाराष्ट्रातीलही 2 देवस्थानं

भारतात अनेक मंदिरं आहेत. देशातल्या सर्वांत श्रीमंत 10 मंदिरांबाबत जाणून घेऊ या. या मंदिरांमध्ये दर वर्षी कोट्यवधी रुपयांचे दान येतं. तसंच या मंदिरांत कोट्यवधी रुपयांचे मौल्यवान दागिनेही आहेत.

देशातल्या सर्वांत श्रीमंत मंदिरांच्या यादीत पद्मनाभस्वामी मंदिर पहिल्या क्रमांकावर आहे. हे मंदिर दक्षिण भारतातल्या केरळ राज्याच्या राजधानीच्या म्हणजेच तिरुवनंतपुरम शहरात आहे. 2011मध्ये या मंदिराचे 6 दरवाजे उघडले आणि त्यातून सोनं, हिरे आणि मौल्यवान रत्नं सापडली. त्यांची किंमत अंदाजे 20 अब्ज डॉलर्स आहे. या मंदिराची देखभाल त्रावणकोर राजघराण्याकडून केली जाते. या मंदिराच्या गाभाऱ्यात भगवान विष्णूची सोन्याची मूर्ती आहे. जिची किंमत 500 कोटींहून अधिक आहे.

तिरुपती बालाजी मंदिर आंध्र प्रदेशच्या चित्तूर जिल्ह्यातल्या तिरुमला पर्वतावर आहे. देशातल ्यासर्वांत श्रीमंत मंदिरांच्या यादीत ते दुसऱ्या क्रमांकावर आहे. या मंदिरात दर वर्षी सुमारे 650 कोटी रुपये दान येतं. तसंच इथे सुमारे 9 टन सोनं आणि 14 हजार कोटींचं फिक्स्ड डिपॉझिट आहे.

देशाची आर्थिक राजधानी असलेल्या मुंबईतलं श्री सिद्धिविनायक मंदिर हे देशातल्या सर्वांत प्रसिद्ध मंदिरांपैकी एक आहे. दर वर्षी लाखो भाविक आणि विविध सेलेब्रिटी या मंदिराला भेट देतात. या मंदिरात 3.7 किलो सोन्याचं कोटिंग कोलकात्यातल्या एका व्यावसायिकाने दान केलं आहे. या मंदिरात दर वर्षी सुमारे 125 कोटींचं दान येतं.

शिर्डीतलं साईबाबांचं मंदिर हे धार्मिक श्रद्धेचं प्रमुख केंद्र आहे. या मंदिराच्या बँक खात्यांमध्ये सुमारे 380 किलो सोनं, 4000 किलो चांदी, विविध देशांच्या चलनातले पैसे जमा आहेत. सुमारे 1,800 कोटी रुपयांची रोकड आहे.

ओडिशात पुरी इथं असलेलं जगन्नाथ मंदिर हे हिंदूंच्या चार धामांपैकी एक आहे. समुद्रकिनारी असलेल्या या मंदिरात दर वर्षी लाखो भाविक दर्शनाला येतात. विविध मीडिया रिपोर्ट्सनुसार या मंदिरात सुमारे 100 किलो सोनं आणि चांदीच्या मौल्यवान वस्तू आहेत.

ओडिशात पुरी इथं असलेलं जगन्नाथ मंदिर हे हिंदूंच्या चार धामांपैकी एक आहे. समुद्रकिनारी असलेल्या या मंदिरात दर वर्षी लाखो भाविक दर्शनाला येतात. विविध मीडिया रिपोर्ट्सनुसार या मंदिरात सुमारे 100 किलो सोनं आणि चांदीच्या मौल्यवान वस्तू आहेत.

वाराणसीतलं भगवान विश्वनाथाचं मंदिर जगप्रसिद्ध आहे. भगवान शंकराच्या या मंदिराला दर वर्षी 50 लाखांहून अधिक देशी आणि सुमारे 2-3 लाख परदेशी पर्यटक भेट देतात. या मंदिरात दर वर्षी 4 ते 5 कोटी रुपयांचं दान येतं. या मंदिरातले 3 पैकी 2 घुमट सोन्याने मढवलेले आहेत.

गुजरातमधलं सोमनाथ मंदिर हे भगवान शंकराचं आहे. ते देशातल्या सर्वांत श्रीमंत मंदिरांपैकी एक असून, 12 ज्योतिर्लिंगांपैकी एक आहे. महमूद गझनीने या मंदिरावर 17 वेळा हल्ला करून ते लुटण्याचा प्रयत्न केला. गझनीच्या आक्रमणाच्या वेळी या मंदिराच्या पायऱ्याही सोन्याच्या होत्या असं म्हणतात. इथे दर वर्षी कोट्यवधींचं दान येतं.

तमिळनाडूतलं मीनाक्षी मंदिर हे देशातल्या प्रसिद्ध मंदिरांपैकी एक आहे. एका अंदाजानुसार या मंदिरात दररोज 20 ते 30 हजार भाविक येतात. विविध मीडिया रिपोर्ट्सनुसार दर वर्षी सुमारे 6 ते 7 कोटींचं दान या मंदिरात येतं.

केरळमधलं सबरीमला अय्यप्पा मंदिर महिलांच्या प्रवेशबंदीमुळे चर्चेत होतं. हे देशातल्या सर्वांत श्रीमंत मंदिरांपैकी एक आहे. दर वर्षी सुमारे 10 कोटी भाविक या मंदिरात दर्शनासाठी येतात. यात्रेदरम्यान या मंदिरात सुमारे 250 कोटींचं दान येतं.