IND vs NZ : विराट-रोहितची जागा फिक्स, पण... वर्षाच्या पहिल्याच सीरिजमध्ये 5 जणांची टीम इंडियातून हकालपट्टी!

शुभमन गिल मानेच्या दुखापतीतून पूर्णपणे सावरला आहे. नोव्हेंबर-डिसेंबर महिन्यात दक्षिण आफ्रिकेविरुद्धच्या पहिल्या टेस्टमध्ये गिलच्या मानेला दुखापत झाली होती, त्यानंतर गिल मैदानापासून लांब आहे. भारताच्या वनडे टीमचा कर्णधार असलेला गिल न्यूझीलंडविरुद्धच्या वनडे सीरिजमध्ये कमबॅक करेल.

फास्ट बॉलर मोहम्मद शमी बऱ्याच काळापासून कमबॅक करण्याचा प्रयत्न करत आहे. स्थानिक क्रिकेटमध्येही त्याने चांगली कामगिरी केली आहे. मोहम्मद शमीने शेवटची आंतरराष्ट्रीय मॅच 9 मार्च 2025 ला न्यूझीलंडविरुद्धच चॅम्पियन्स ट्रॉफी फायनलमध्ये खेळली. वनडे वर्ल्ड कपमध्ये भारताकडून सर्वाधिक विकेट घेणाऱ्या शमीने 108 सामन्यांमध्ये 206 बळी घेतले आहेत.

दक्षिण आफ्रिकेविरुद्धच्या सीरिजवेळी टीम इंडियातून बाहेर गेलेला अक्षर पटेल न्यूझीलंडविरुद्धच्या वनडे सीरिजमध्ये कमबॅक करण्याची शक्यता आहे. अक्षर पटेल टीम इंडियात वॉशिंग्टन सुंदरची जागा घेऊ शकतो.

दोन वर्षांपासून जास्त काळ टीम बाहेर असलेल्या इशान किशनलाही वनडे सीरिजसाठी संधी मिळू शकते. इशान किशनने शेवटची वनडे 11 ऑक्टोबर 2023 ला दिल्लीमध्ये अफगाणिस्तानविरुद्ध खेळली होती.

न्यूझीलंडविरुद्धच्या सीरिजमध्ये बुमराहला विश्रांती दिली जाण्याची शक्यता आहे, त्यामुळे मोहम्मद सिराजचीही टीममध्ये वर्णी लागण्याची शक्यता आहे. सिराजने शेवटची वनडे ऑक्टोबर 2025 मध्ये ऑस्ट्रेलियाविरुद्ध खेळली.