Rohit Sharma Birthday : लेकाचा 'हॅपी बर्थडे', रोहित शर्माच्या आईने शेअर केला 30 वर्षांपूर्वीचा फोटो, BCCI ने दिलं गिफ्ट!

टीम इंडियाचा कॅप्टन रोहित शर्मा आज 30 एप्रिल रोजी त्याचा 38 वा वाढदिवस साजरा करत आहे. त्याने जयपूरमध्ये पत्नीसोबत वाढदिवसाचा केक कापला, ज्याचा व्हिडिओ समोर आला आहे.

अशातच रोहित शर्माच्या आईने आपल्या लाडक्या लेकाच्या वाढदिवसानिमित्त त्याचे काही फोटो सोशल मीडियावर शेअर केले आहेत. यामध्ये रोहित शर्माच्या लहानपणीचे फोटो आहेत.

एक महान मुलाला वाढदिवसाच्या हार्दिक शुभेच्छा, असं म्हणत रोहित शर्माच्या आईने आपल्या लाडक्या लेकाला वाढदिवसाच्या शुभेच्छा दिल्या आहेत.

आयपीएलच्या 18 व्या हंगामाच्या सुरुवातीच्या सामन्यांमध्ये रोहित शर्माची बॅट चांगली कामगिरी करत नव्हती पण आता तो फॉर्ममध्ये परतला आहे. चेन्नई सुपर किंग्जविरुद्ध रोहितने 76 धावा काढल्या होत्या.

रोहित शर्माला बीसीसीआयने देखील बर्थडे गिफ्ट दिलंय. आगामी इंग्लंड दौऱ्यासाठी रोहित शर्मालाच टीम इंडियाचा टेस्ट कॅप्टन म्हणून कायम ठेवण्याचा निर्णय घेण्यात आलाय.