Success Story: अंथरूणाला खिळलेली, नवऱ्याच्या साथीने उभी राहिली; लालिता नेहराची 'ट्रॅक्टर टू रँप वॉक' सक्सेस स्टोरी

एका सामान्य घरातून आलेली लालित नेहरा आज संपूर्ण देशासाठी प्रेरणास्रोत ठरली आहे. एका बाजूला शेतात घाम गाळून ट्रॅक्टर चालवणारी आणि दुसरीकडे ग्लॅमरस रँप वॉकवर आत्मविश्वासाने चमकणारी ही महिला! जिथे स्त्रियांसाठी 'घरचा उंबरठा ओलांडायचा नाही, चूल आणि मूल इतकंच तिचं विश्व' अशी कठोर परिस्थिती होती, तिथे लालिताने घरची जबाबदारी तर सांभाळलीच, पण त्यासोबतच उंबरठा ओलांडून यशाचं एक उंच शिखर गाठून दाखवलं.

राजस्थानच्या लालित नेहराचं स्वप्न नेहमीच त्या चार भिंती आणि घराच्या उंबरठ्यापलीकडे होतं. ग्रॅज्युएशन पूर्ण होताच तिचं लग्न झालं आणि तिच्या डोळ्यांत असलेली सगळी स्वप्नं स्वयंपाकघरात चुलीवरच्या राखेच्या धुरासारखी हवेत विरून जाताना तिने पाहिली. मन त्या स्वप्नांच्या मागे धावत होतं, पण सामाजिक बंधनांमुळे तिला तो उंबरठा ओलांडता येत नव्हता.

जेव्हा तिने आपले स्वप्न पूर्ण करण्यासाठी पाऊल उचलले, तेव्हा समाजाने तिला नावं ठेवली, घालून-पाडून बोलले आणि टोमणे मारले. तरीही ती डगमगली नाही. लालितने स्वप्न पूर्ण करण्याचा निश्चय केला आणि रोज सकाळी ती शेतात ट्रॅक्टर चालवायला जायची. जमिनीची मशागत करताना घाम गाळायची, पण हे सगळं करत असताना तिने मनात पाहिलेलं स्वप्नही जिवंत ठेवलं.

तिने शेतीची जबाबदारी पार पाडली आणि त्याच ऊर्जेने ग्लॅमरच्या जगातही पाऊल ठेवले. आज ती रँप वॉकवरही तेवढ्याच आत्मविश्वासाने चमकते आहे, आणि तिची चर्चा सर्वत्र सुरू आहे. तिच्या आयुष्यात एक अतिशय कठीण काळ आला. रुमेटॉइड आर्थरायटीस या दुर्धर आजारामुळे तिला दोन वर्षे चालणे-फिरणेही कठीण झाले. ती खूप आजारी पडली. या परिस्थितीत जिथे अनेकांनी तिची साथ सोडली, तिथे तिचा पती मात्र तिच्या पाठीशी खंबीरपणे उभा राहिला. त्याने प्रत्येक दिवशी तिची काळजी घेतली, इतकेच नाही तर स्वत:च्या हाताने तिला जेवणही भरवले. या प्रेमातूनच तिला जगण्याची आणि लढण्याची नवी आशा मिळाली.

त्या आजारातून सावरत ती पुन्हा एकदा आपल्या पायावर उभी राहिली. त्याच दिवशी तिने ठाम निश्चय केला, 'बस्स! आता थांबायचं नाही. आता मी माझ्या स्वप्नांना पूर्ण करणार!' नवऱ्याची मिळालेली खंबीर साथ आणि स्वतःच्या दुर्दम्य इच्छाशक्तीच्या बळावर तिने स्वप्नांच्या दिशेने एक एक पाऊल टाकायला सुरुवात केली. तिने थेट मिसेस राजस्थान स्पर्धेत भाग घेतला.

[caption id="attachment_1542953" align="alignnone" width="1080"] दिवस-रात्र कठोर मेहनत आणि ट्रेनिंग घेतल्यानंतर २०२५ मध्ये ती मिसेस राजस्थानची पहिली रनरअप (Runner-up) बनून प्रसिद्ध झाली. आज लालिता नेहरा ही कधी शेतात ट्रॅक्टर चालवताना दिसते, तर कधी रँप वॉकवर आपली वेगळी ओळख निर्माण करताना दिसते. अनेक मोठ्या ब्रॅण्ड्सकडून तिला जाहिरातींसाठी विचारणा होत आहे.</dd> <dd>[/caption]

तिने केवळ स्वतःचेच नाही, तर आपल्या गावातल्या अनेक महिलांना 'उंबरठा ओलांडून' स्वतःचे स्वप्न पूर्ण करण्यासाठी बळ दिले आहे. "टूटकर भी उडना मुमकिन है" हे तिने पुन्हा एकदा सिद्ध करून दाखवले आहे.