Appleने 1.8 अब्ज यूझर्सला दिला इशारा! तुमचा आयफोन धोक्यात, असं राहा सेफ

Apple ने जगभरातील iPhone आणि iPad यूझर्सना त्यांचे डिव्हाइस ताबडतोब अपडेट करण्याचा इशारा दिलाय. कंपनीने म्हटलेय की, त्यांच्या सिस्टममध्ये एक गंभीर सुरक्षा कमतरता आढळल्या आहेत. ज्याचा वापर हॅकर्स यूझर्सना लक्ष्य करण्यासाठी करू शकतात.

Apple च्या मते, ही भेद्यता WebKit मध्ये आढळली आहे. जी Safari iOS वर चालणाऱ्या सर्व ब्राउझरचा पाया आहे. कंपनीने म्हटले आहे की, या भेद्यता विशिष्ट व्यक्तींना लक्ष्य करणाऱ्या "अत्यंत प्रगत आणि लक्ष्यित सायबर अटॅक"मध्ये वापरल्या जात आहेत.

दुर्भावनापूर्ण वेबसाइट या धोक्याचे प्राथमिक स्त्रोत आहेत. एखाद्या यूझरने चुकून अशी वेबसाइट उघडली तर त्यांचा iPhone किंवा iPad परवानगीशिवाय दुर्भावनापूर्ण कोड चालवू शकतो. यामुळे हॅकर्सना डिव्हाइसवर कंट्रोल मिळू शकते.

Apple ने म्हटले आहे की ज्या यूझर्सने Automatic Updates चालू केले आहेत त्यांनी त्यांचे डिव्हाइस संरक्षित केले पाहिजेत. मात्र, ज्यांनी ही सेटिंग बंद केली आहे त्यांनी ताबडतोब iOS 26.2 किंवा iPadOS 26.2 मॅन्युअली डाउनलोड करावे.

कोणत्या डिव्हाइसवर सर्वाधिक धोका आहे? : iPhone 11 आणि त्यानंतरचे सर्व मॉडेल, iPad Pro 12.9-इंच (तिसरी जनरेशन आणि नंतरचे मॉडेल), iPhone 11-इंच (पहिली जनरेशन आणि नंतरचे मॉडेल), iPad Air (तिसरी जनरेशन आणि नंतरचे मॉडेल), iPad (आठवी जनरेशन आणि नंतरचे मॉडेल), iPad mini (पाचवी जनरेशन आणि नंतरचे मॉडेल)

अ‍ॅपलने म्हटले आहे की या त्रुटी Zero-Day Vulnerabilities आहेत, म्हणजेच त्या पूर्वी अज्ञात होत्या आणि पॅच रिलीज होण्यापूर्वी हॅकर्सद्वारे त्यांचा गैरफायदा घेतला जाऊ शकतो.

अ‍ॅपल आणि गुगलच्या थ्रेट अनेलिसिस टीमने एकत्रित या भेद्यता शोधल्या. iOS आणि iPadOS व्यतिरिक्त, कंपनीने macOS, watchOS, tvOS, visionOS आणि Safari साठी नवीन सिक्योरिटी अपडेट देखील जारी केली आहेत.

स्वतःला कसे सुरक्षित ठेवावे? : सायबरसुरक्षा तज्ञ कर्ट नटसन म्हणाले की, तुमच्या सर्व Apple डिव्हाइसवर स्वयंचलित अपडेट्स चालू ठेवा. अज्ञात एसएमएस, व्हॉट्सअॅप, टेलिग्राम किंवा ईमेल लिंक्सवर क्लिक करू नका. तुम्हाला वेबसाइटला भेट द्यायची असेल, तर लिंकवर टॅप करण्याऐवजी स्वतः पत्ता टाइप करा. विश्वसनीय अँटीव्हायरस किंवा सुरक्षा सॉफ्टवेअर वापरा. सोशल मीडियावर तुमची पर्सनल माहिती लिमिटेड ठेवा. अॅपल स्पष्टपणे सांगते की, यूझर्सच्या सुरक्षिततेसाठी, उपाय जाहीर होईपर्यंत ते सुरक्षा भेद्यतेवर चर्चा करत नाही. अशा परिस्थितीत, अपडेट करणे हा सर्वात सुरक्षित मार्ग आहे.