बाबो! मुंबईत मिळतंय तब्बल एक लाख रुपयाचं पान, यात इतकं काय आहे खास? पाहा PHOTO

अनेकांना पान खायला आवडतं. दररोज नाही पण कधी तरी मिठा पानची चव चाखणारे कमी नाहीत. आता चॉकलेट पा, फायर पान, आईस स्मोक पान असे कितीतरी प्रकारचे पान मिळतात. याची किंमत फार फार शेकडा किंवा हजारात असेल. पण तुम्ही कधी एक लाखाचं पान खाल्लं आहे का?

मुंबईत पानाचं एक असं दुकान आहे, जिथं तब्बल एक लाख रुपयांचं पान मिळतं. ज्या दुकानात हे पान मिळतं, त्या दुकानाच्या मालकाचं नाव नौशाद शेख आहे. तो एमबीए आहे. अनेक मल्टीनॅशनल कंपन्यांमध्ये त्याला चांगल्या पगाराची नोकरी होती. पण स्वतःच काहीतरी सुरू करायचं या ध्येयाने तो झपाटला होता.

त्याने आपला वडिलोपार्जित व्यवसाय पुढे नेत गादीवरच्या पानाला एक रॉयल लुक दिला आणि आपल्या दुकानाचं नाव 'द पान स्टोरी' दिलं. सध्या नौशाद एमबीएच शिक्षण घेऊन एक लाखाचं पान विकत आहे.

हे पान तुम्ही नीट पाहाल तर सामान्य पानाप्रमाणेच ते आहे. पण त्याला सोन्याचा वर्क लावण्यात आला आहे. त्यामुळेच त्याची किंमत इतकी जास्त आहे.

आता मुंबईत द पान स्टोरी दुकान हे कुठे आहे, हे जाणून घेण्याची उत्सुकता तुम्हाला असेल तर हे पान मिळतं ते माहीममध्ये. तुम्ही कधी हे पान खाल्लं आहे का? किंवा इतक्या किमतीचं पान खायला आवडेल का? आम्हाला आमच्या सोशल मीडियाच्या कमेंट बॉक्समध्ये नक्की सांगा.