Shiv Sena Dasara Melava: दसरा मेळाव्यासाठी शिवाजी पार्कवर कोणाचा आवाज घुमणार? अखेर बीएमसीने निर्णय घेतला

उदय जाधव, मुंबई :  शिवसेनेच्या इतिहासात दसरा मेळाव्याला चांगलेच महत्त्व आहे. अडीच वर्षांपूर्वी झालेल्या शिवसेनेतील ऐतिहासिक फुटीनंतर ठाकरेसोबतच शिंदे गटही दसरा मेळावा घेऊ लागला आहे. शिवसेनेतील फुटीनंतर छत्रपती शिवाजी महाराज मैदानावर कोणाचा दसरा मेळावा होणार, यावर दोन्ही गटांमध्ये चांगलीच जुंपली होती. मागील दोन वर्ष छत्रपती शिवाजी महाराज मैदानावर शिवसेना ठाकरे गटाचा दसरा मेळावा पार पडला होता. त्यानंतर यंदा कोणाला मैदान मिळणार याकडे राजकीय वर्तुळाचे लक्ष लागले होते. आता मुंबई महापालिकेने या दसरा मेळाव्याबाबत निर्णय घेतला आहे.