अंगावर भगवे कपडे, महिलेला जाळ्यात ओढलं, 2 भोंदुंना आजोबांनी धू धू धुतलं, पुण्यातील VIDEO VIRAL

सचिन तोडकर, प्रतिनिधी खेड: नाशिकचा भोंदू बाबा अशोक खरात याचे काळे कारनामे आणि अश्लील कृत्य उघडकीस आल्यानंतर संपूर्ण महाराष्ट्रात खळबळ उडाली आहे. या प्रकरणाचे तीव्र पडसाद आता पुणे जिल्ह्यातील खेड तालुक्यात उमटताना दिसत आहेत. बुवाबाजी आणि धर्माच्या नावाखाली सर्वसामान्यांची आर्थिक फसवणूक करणाऱ्या तथाकथित महाराजांना एका आजोबांनी चोप दिला आहे. त्यांनी हाताने आणि काठीने मारहाण केली आहे. या घटनेचा व्हिडीओ समोर आला असून सोशल मीडियावर व्हायरल झाला आहे.