एस्ट्राझेनकाने कोविशिल्डच्या धोक्याबद्दल 2021मध्येच सांगितलं होतं, सीरमचा मोठा खुलासा

पुणे : एस्ट्राझेनका कंपनीने तयार केलेल्या कोरोना प्रतिबंधक लस कोविशिल्डमुळे टीटीएस हा दुर्मीळ दुष्परिणाम होऊ शकतो अशी माहिती समोर आल्यानंतर खळबळ उडाली होती. दरम्यान, हा धोका खूपच कमी प्रमाणात असल्याचंही कंपनीकडून सांगण्यात आलं होतं. एस्ट्राझेनका कंपनीने कोविशिल्डमुळे टीटीएस हा दुर्मीळ आजार होतो असं लंडन उच्च न्यायालयात सादर केलेल्या कागदपत्रांमध्ये सांगितलं होतं. आता भारतासह जगभरात कोविशिल्डची निर्मिती आणि वितरण करणाऱ्या पुण्यातील सीरम इन्स्टिट्यूटने मोठा खुलासा केला आहे. कोविशिल्डचा धोका एस्ट्राझेनका कंपनीने २०२१ मध्येच सांगितला होता असं स्पष्टीकरण सीरमने दिलं आहे.