नातवाचा गेम, पण बंडू आंदेकरने आधीच आखला होता एक्झिट प्लॅन? कुटुंब ठेवलं सेफ, पाहा अटकेतील आरोपींची यादी

मात्र वनराज आंदेकर यांच्या हत्येला एक वर्ष पूर्ण होताच आंदेकर टोळीने वनराजच्या हत्या प्रकरणातील आरोपी गणेश कोमकरच्या १९ वर्षांच्या मुलाची हत्या घडवून आणली. त्याच्यावर १२ गोळ्या झाडल्या. आजोबानेच शरीराची चाळण करून नातवाचा जीव घेतला. पण ही हत्या घडवून आणताना बंडू आंदेकरने स्वत:सह आपल्या कुटुंबाला सेफ ठेवलं होतं, अशी माहिती समोर आली आहे. कारण प्रत्यक्षात हल्ला करणाऱ्यांमध्ये एकही जण आंदेकर कुटुंबाच्या रक्तातील नात्याचा नाहीये.

आयुषवर प्रत्यक्षात गोळीबार करणाऱ्यांमध्ये यश पाटील आणि अमन पठाणचा समावेश आहे. तर ज्यावेळी हल्ला झाला त्यावेळी अमित पाटोळे आणि सूजल मेरगू यांनी दोघांना कव्हर दिल्याची माहिती आहे. त्यामुळे आयुषचा गेम करताना बंडू आंदेकरने प्रत्यक्षात आपल्या कुटुंबाचा हत्या प्रकरणाशी थेट संबंध येणार नाही, याची काळजी घेतली होती. काही तरुणांना सुपारी देऊन किंवा हाताशी धरून आंदेकरने हा बदला पूर्ण केल्याचं सांगितलं जात आहे. आता बंडू आंदेकरला अटक झाली असली तरी पुराव्याअभावी त्याच्यावर सौम्य कारवाई होऊ शकते, अशीही एक शक्यता वर्तवली जात आहे.

मात्र पोलीस आता आंदेकर टोळीविरोधात पुरावे गोळा करण्याचं काम करत आहेत. या प्रकरणात १३ जणांविरोधात गुन्हा दाखल केला आहे. यातील ८ आरोपींना पोलिसांनी बेड्या ठोकल्या आहेत. तर पाच आरोपींचा शोध सुरू आहे.

1. यश पाटील

2. अमित पाटोळे

3. अमन पठाण

4. सुजल मेरगु

5. बंडू आंदेकर

6. स्वराज वाडेकर

7. तुषार वाडेकर

8. वृंदावनी वाडेकर