पुण्याच्या इतिहासात पहिल्यांदाच अशी दहीहंडी! 35 मंडळांच्या त्या कृतीचं सर्वत्र कौतुक

ढोलपथकांचे वादन आणि गोविंदाच्या गाण्यावर थिरकत अनेकजण या संयुक्त दहीहंडीसाठी जमले होते. गोविंदा पथकांनी पहिल्यांदा कडक सलामी दिली. त्यानंतर आला तो, श्वास रोखून धरणारा क्षण. एकावर एक असे गोविंदा पथकांचे सहा ते सात थर चढू लागले. अशा रीतीने मोठ्या जल्लोषात हा दहीहंडी साजरा झाला.

अनेक मंडळांकडून प्रमुख रस्ते आणि चौकात दहीहंडी कार्यक्रमाचे आयोजन केले जात असल्याने वाहतूक कोंडी होऊन नागरिकांचे हाल होतात. सुरक्षा व्यवस्थेचाही प्रश्न निर्माण होतो. तसेच प्रत्येक मंडळाने स्वतंत्र दहीहंडी कार्यक्रम आयोजित केल्यास ध्वनी प्रदूषणाचे प्रमाणही वाढते. ही बाब लक्षात घेऊन युवा उद्योजक पुनीत बालन यांनी मंडळाना एकत्र येऊन संयुक्त दहीहंडी करण्यासंबंधीचे आवाहन केले होते, असं सांगितलं.