8 वर्षीय मैराबीचा झोपेतच गेला जीव; शेडमध्ये झोपलेली असतानाच ती कार आली अन्...पुण्यात भयंकर घटना

पुणे: लोणीकंद पोलीस ठाण्याच्या हद्दीतील वढू खुर्द येथून एक अतिशय धक्कादायक आणि हृदय पिळवटून टाकणारी घटना समोर आली आहे. यात एका आठ वर्षांच्या मुलीचा कार अंगावरून गेल्याने जागीच मृत्यू झाला आहे. मैराबी रसुलसाब बळीगर (वय ८) असे मृत मुलीचे नाव आहे. ही घटना शनिवारी घडली. याप्रकरणी पोलिसांनी कारचालक भरत रमेश नेहेते (वय ४६, रा. वढू खुर्द) याच्याविरुद्ध गुन्हा दाखल केला आहे.