वाहन धारकांसाठी दिलासादायक बातमी, HSRP नंबर प्लेट जागेवर बसवणार, 'ही' आहे अट

पुणे : एचएसआरपी नंबर प्लेट बसवण्यासाठी सरकारकडून जूनपर्यंतची मुदत वाढ देण्यात आली आहे. उच्च सुरक्षा नोंदणी नंबर प्लेट (एचएसआरपी) बसविण्यासाठी एकाच ठिकाणी किमान 25 किंवा त्यापेक्षा जास्त दुचाकी, चारचाकी, रिक्षा, टॅक्सी, बस किंवा ट्रक मालकांनी अर्ज केले असतील, तर त्यांच्या सोयीच्या ठिकाणी किंवा सोसायटीमध्ये संबंधित एजन्सीमार्फत सुविधा द्यावी. त्यासाठी कोणतेही अतिरिक्त होम फिटमेंट शुल्क आकारू नये, अशा सूचना राज्याच्या परिवहन आयुक्त कार्यालयाकडून देण्यात आल्या आहेत.