Pooja Khedkar : बडतर्फ IAS पूजा खेडकर यांचे आणखी 7 प्रताप; यादीच आली समोर, पोलिसांनाही बसला धक्का!

पुणे, वैभव सोनवणे, प्रतिनिधी : बडतर्फ IAS अधिकारी पूजा खेडकर प्रकरणात आतापर्यंत अनेक धक्कादायक खुलासे समोर आले आहेत. पूजा खेडकर यांच्यावर यूपीएससीनं देखील कारवाई केली आहे. दरम्यान आता या प्रकरणात आणखी एक धक्कादायक माहिती समोर आली आहे. पूजा खेडकर यांनी तब्बल सात वेळा आपल्या नावात फेरफार करून यूपीएससीची परीक्षा दिल्याचं समोर आलं आहे. इंग्रजी भाषेमधून नाव देताना पूजा खेडकर यांनी अनेक वेळा त्यांच्या स्वतःच्या नावाचे स्पेलिंग बदलून हा सगळा प्रकार केल्याचे दिल्ली पोलिसांच्या तपासातून आता समोर आले आहे. त्यामुळे आता पूजा खेडकर यांच्या अडचणीत आणखी वाढ होण्याची शक्यता आहे.