Hinjewadi : हिंजवडी IT पार्कमधील रस्ते बनतायत मृत्यूचे सापळे! हजारो जीव धोक्यात; नेमकं काय घडतंय?

स्थानिकांचे म्हणणे आहे की, अपघात फक्त रस्त्यांच्या खराब स्थितीमुळेच नाही, तर जड वाहने, नियोजनाचा अभाव आणि प्रशासनाच्या दुर्लक्षामुळेही होतात. सकाळी आणि संध्याकाळच्या वेळेत आयटी पार्क, निवासी प्रकल्प आणि शाळांच्या परिसरातून मोठ्या प्रमाणात वाहतूक होते. मात्र, वेगमर्यादा पालन होत नाही, पदपथ नाहीत किंवा त्यांना बांधकाम साहित्याने अडवलेले आहे. वाहतूक पोलिसांची उपस्थिती अपुरी असल्यामुळे ही परिस्थिती आणखी बिकट झाली आहे.

हिंजवडी टप्पा-3 येथील मेगापोलिस सॅफ्रन भागात रस्त्यांची दुरवस्था गंभीर असून, अनेक अपघात घडले आहेत. राष्ट्रवादी काँग्रेसच्या खासदार सुप्रिया सुळे यांनी याबाबत आवाज उठवला असून, समाज माध्यमावर अपघातांचे व्हिडिओ शेअर करत प्रशासनाकडे तातडीने कारवाई करण्याची मागणी केली आहे. त्यांनी म्हटले की, नागरिकांनी अनेकदा पीएमआरडीए आणि एमआयडीसीकडे या रस्त्यांच्या दुरुस्तीबाबत अर्ज केले, तरीही अद्याप काम केले गेले नाही.