Shravani Tonage Success Story : मराठमोळ्या कन्येची उत्तुंग झेप! पिंपरी-चिंचवड महापालिकेच्या शाळेतून थेट जर्मनीत, महाराष्ट्रातील एकमेव विद्यार्थिनी!

पिंपरी : पिंपरी-चिंचवड महापालिकेच्या शाळेत शिकलेल्या श्रावणी टोणगे हिने आपल्या प्रतिभेच्या जोरावर आंतरराष्ट्रीय स्तरावर मोठी झेप घेतली आहे. कासारवाडीतील छत्रपती शाहू महाराज इंग्लिश मीडियम स्कूलमध्ये शिक्षण घेणाऱ्या श्रावणीची निवड प्रतिष्ठित युनायटेड वर्ल्ड कॉलेज (UWC) रॉबर्ट बॉश कॉलेज, जर्मनी येथे झाली आहे. येत्या 28 ऑगस्टपासून सुरू होणाऱ्या शैक्षणिक सत्रात तिचा प्रवेश निश्चित झाला असून, श्रावणीला 100 टक्के शिष्यवृत्ती मिळाली आहे. विशेष म्हणजे, महाराष्ट्रातून या वर्षी ही संधी मिळवणारी ती एकमेव विद्यार्थिनी ठरली आहे.