मुंबईसह विदर्भातील तापमानात वाढ, अकोल्याला उष्णतेचा येलो अलर्ट, तुमच्या जिल्ह्यात काय स्थिती?

मुंबई : राज्यातील तापमानात वाढ होऊन मार्च महिन्यात 42 अंश सेल्सिअस पर्यंत तापमान गेल्याचे आपण बघितले. त्याचबरोबर राज्यातील विविध ठिकाणी उष्णतेचा येलो अलर्ट सुद्धा हवामान विभागाकडून देण्यात आला होता. आताही तो काही जिल्ह्यांत कायम असलेला दिसून येत आहे. पालघर, ठाणे, मुंबई, रायगड आणि अकोला या जिल्ह्यांना 12 मार्चसाठी हवामान विभागाकडून येलो अलर्ट जारी करण्यात आलाय. कोकणसह आता विदर्भातही उष्णतेचा येलो अलर्ट जारी केल्याने नागरिकांची चिंता वाढीस लागली आहे. पाहुयात 12 मार्चला राज्यातील काही प्रमुख शहरांमध्ये तापमान आणि हवामानाची स्थिती कशी असेल.