'चांगला नवरा करायचाय', दुसऱ्या लग्नासाठी विवाहितेकडून पोटच्या बाळाची हत्या, पुण्यातील खळबळजनक घटना

सचिन तोडकर, प्रतिनिधी शिरूर: पुणे जिल्ह्याच्या शिरूर तालुक्यात आई आणि बाळाच्या नात्याला कलंक फासणारी घटना समोर आली आहे. इथं एका महिलेनं आपल्या अकरा महिन्यांच्या बाळासोबत अमानुष कृत्य केलं आहे. तिने बाळाला सिमेंटच्या ओट्यावर आपटून जीव घेतला आहे. आरोपी महिला एवढ्यावरच थांबली नाही, तर तिने पुरावा नष्ट करण्यासाठी बाळाचा मृतदेह विहिरीत फेकून दिला आहे. तिने दुसरं लग्न करण्यासाठी हे कृत्य केल्याचा दावा पतीने केला आहे. या प्रकरणी पोलिसांनी आरोपी महिलेला ताब्यात घेतलं आहे.