LinkedIn वर सेफ नाही तुमचा डेटा! रिपोर्टमध्ये झाला खुलासा, पाहा नेमकं प्रकरण काय

जर्मन संघटना Fairlinked eV च्या BrowserGate रिपोर्ट आणि BleepingComputer ने स्पष्ट केलेय की, लिंक्डइन प्रत्येक पेज लोड करण्या दरम्यान एक JavaScript स्क्रिप्ट इंजेक्ट करत आहे. ही स्क्रिप्ट यूझरच्या ब्राउजरमध्ये इंस्टॉल हजारो Chrome एक्सटेन्शन्स स्कॅन करते. याची संख्या आता 6,000 हून जास्त असल्याचं बोललं जातंय.

या स्क्रप्टच्या माध्यमातून फक्त एक्सटेंशन नाही तर यूझरच्या डिव्हाइसशी संबंधित महत्त्वाची माहिती घेतली जातेय. यामध्ये सीपीयू कोरची संख्या, टाइम झोन, भाषा सेटिंग, बॅटरी स्टेटस आणि सध्याच्या मेमोरी सारख्या डिटेल्सचा समावेश आहे. या सोबतच स्क्रीन साइज, स्टोरेज क्षमता आणि सिस्टमशी संबंधित इंतर टेक्निकल माहितीही जमा होते.

रिपोर्टनुसार, ही स्क्रिप्ट खास एक्सटेन्शन IDs शी संबंधित फाइल्स अ‍ॅक्सेस करण्याचा प्रयत्न करते. या पद्धतीने ओळखलं जाऊ शकतं की, यूझरच्या ब्राउझरमध्ये कोणकोणते एक्सटेन्शन इंस्टॉल आहेत. ही टेक्नॉलॉजी Chromium आधारित ब्राउझर्समध्ये पहिलेच ओळखची मानली जाते. रिपोर्टमध्येही दावा करण्यात आलाय की, हा डेटा HUMAN Security नावाच्या सायबर सिक्योरिटी कंपनीपर्यंत पाठवला जात आहे. खरंतर या दाव्याची स्वतंत्ररित्या पुष्टी अद्याप होऊ शकलेली नाही.

या आरोपींवर प्रतिक्रिया देत LinkedIn ने म्हटलंय की, ते यूझर्सची प्रायव्हसी आणि प्लॅटफॉर्मची सुरक्षा टिकवून ठेवण्यासाठी असे एक्सटेंशन्स ओळखतात, जे अनुमतीशिवाय डेटा स्क्रॅप करतात. कंपनी म्हणते की, या माहितीचा वापर संवेदनशील माहिती काढण्यासाठी करत नाही.

या संपूर्ण प्रकरणाने ऑनलाइन प्रायव्हसीविषयी नवीन वाद सुरू केला आहे. हे दावे योग्य ठरले तर यूझर्सची डिजिटल सुरक्षा आणि विश्वासासाठी मोठा मुद्दा ठरतो. अशावेळी सतर्क राहणे आणि आपल्या ब्राउझरची सेटिंग्स आणि एक्सटेंशनवर नजर ठेवणे खुप गरजेचे आहे.