Mumbai Pune Expressway: मुंबई-पुणे प्रवास आता एकदम सुसाट! मार्ग 10 पदरी होणार, मात्र टोलबाबत मोठी अपडेट

मुंबई: मुंबई आणि पुणे दरम्यानचा प्रवास अधिक वेगवान आणि सुखकर करण्यासाठी महाराष्ट्र राज्य रस्ते विकास महामंडळाने कंबर कसली आहे. एक्सप्रेसवेवरील वाहनांची वाढती संख्या आणि सतत होणारी वाहतूक कोंडी फोडण्यासाठी या मार्गाचे १० पदरीकरण करण्याचा महत्त्वाकांक्षी निर्णय घेण्यात आला आहे. या प्रकल्पाचे प्रत्यक्ष काम येत्या पावसाळ्यानंतर सुरू होणार असल्याची माहिती MSRDC चे व्यवस्थापकीय संचालक अनिल गायकवाड यांनी दिली आहे.