Iran US Conflict: '' ट्रम्प खोटं बोलतात'', अमेरिकेच्या रेस्क्यू मिशनला इराणचा सुरुंग? इस्फहानमध्ये धुराचे लोट, बचाव दलाचं विमान पाडल्याचा दावा

तेहरान/वॉशिंग्टन: अमेरिका-इस्रायलने लादलेल्या युद्धाविरोधात इराणचा प्रतिकार सुरू आहे. जवळपास महिनाभरापासून युद्ध सुरू असून जगातील अनेक देशांनी चिंता व्यक्त केली आहे. अमेरिकेने केलेल्या हल्ल्याविरोधात इराणकडून आखाती देशात असलेले अमेरिकेचे लष्करी तळ उद्धवस्त केले जात आहे. तर, दुसरीकडे इराणने अमेरिकेचे काही फायटर जेट पा़डले आहेत. अशातच आता मोठी घडामोड समोर आली आहे. एकीकडे अमेरिकेचे राष्ट्राध्यक्ष डोनाल्ड ट्रम्प यांनी इराणमध्ये बेपत्ता असलेल्या आपल्या वैमानिकाला सुखरूप वाचवल्याची घोषणा केली असतानाच, इराणने मात्र अमेरिकेला मोठा धक्का दिल्याचा दावा केला आहे. इराणच्या 'इस्लामिक रिव्होल्युशनरी गार्ड कॉर्प्स'ने (IRGC) वैमानिकाच्या शोध मोहिमेत सहभागी असलेले अमेरिकेचे आणखी एक विमान पाडल्याचे जाहीर केले आहे.