Pune : घराचा उंबरठा ओलांडला तो शेवटचाच, कुटुंबाचा लाडका सिद्धार्थ हरपला; परिसरात हळहळ
Last Updated:
Accident News : पुण्यातून एका अपघाताची बातमी समोर आलेली आहे. जिथे लालपरीमुळे घराचा एक आधार पुर्णपणे हरपला आहे. नेमका अपघात कसा घडला.
पुणे : भरधाव वेगात येणाऱ्या एसटी बसच्या धडकेत एका व्यक्तीचा मृत्यू झाल्याची दुर्दैवी घटना लोणीकंद परिसरात घडलेली आहे. ही दुर्घटना अहिल्यानगर रस्त्यावर झाली असून परिसरात काही काळ तणावाचे वातावरण निर्माण झाले होते.
हसत्या-खेळत्या कांबळे कुटुंबावर काळाचा घाला
मिळालेल्या माहितीनुसार एसटी बसने जोरदार धडक दिल्याने सिद्धार्थ एकनाथ कांबळे हे गंभीर जखमी झाले. अपघातानंतर घटनास्थळी जमलेल्या नागरिकांनी त्यांना तातडीने रुग्णालयात नेले. मात्र उपचारादरम्यान त्यांचा मृत्यू झाला. या घटनेमुळे त्यांच्या कुटुंबावर दुःखाचा डोंगर कोसळला आहे.
या प्रकरणी साविताराम कोंडीबा कांबळे यांनी लोणीकंद पोलीस ठाण्यात तक्रा दाखल केली आहे. पोलिसांनी एसटी बस चालक अशोक नामदेव खेडकर यांच्याविरुद्ध गुन्हा नोंदवला आहे. अपघात नेमका कसा झाला याचा अधिक तपास पोलीस करत आहेत. दरम्यान अहिल्यानगर रस्त्यावर वाहतूक काही काळ विस्कळीत झाली होती. पोलिसांनी घटनास्थळी धाव घेऊन परिस्थिती नियंत्रणात आणली.
Location :
Mumbai,Maharashtra
First Published :
Feb 11, 2026 12:08 PM IST
मराठी बातम्या/पुणे/
Pune : घराचा उंबरठा ओलांडला तो शेवटचाच, कुटुंबाचा लाडका सिद्धार्थ हरपला; परिसरात हळहळ
